بالميي مثل التي تباع في المخبزات بالصور

البالميي من الحلويات المعروفة والشهيرة والموجودة تقريبا في جميع المخابز المغربية ، غير أن عدد كبير من الناس لايعرفها باسم بالميي PALMIERS وهو اسم هاد الحلوى الفرنسي والاصلي هو ” palmiers sucrés ” وممكن نسميها حلوة النخلة

بالميي

اختلفت التسميات والمذاق واحد ، ومن موقع aacook أقترح عليك اليوم جارتي طريقة تحضير حلوة بالميي بالشرح المصور والخطوات السهلة لتعدي أحسن حلوة بالميي وتكون مثل التي تباع في المخبزات

طبعا تحضير بالميي في البيت سيكون بتكلفة اقل من أنك تشتريها من المحلاّت والمخابز، فقط لازم تعرفي تحتفظي عليها لانها تاتقساح بسرعة إلى بقات معرّضة للهواء

مقادير العجين المورق:

رابعة دقيق
ملعقة صغيرة ملح
الماء لجمع العجين (تقريبا 120 مل )
160 غرام زبدة تكون فحرارة الغرفة (للتوريق)
السكر سنيدة لبسط العجينة
المربى للتزيين

الطريقة:

باش نحضرو بالميي نخلط الطحين و الملح و نجمعوها بالماء، نديروها فبلاستيكة و نخليوها ترتاح نصف ساعة

من بعد، ناخدو العجينة و نسرحو ليها 4 الجوانب ديالها كيفما فالصورة ونخليو الوسط غليض،

نحطو الزبدة فالوسط و نثنيو عليها الجوانب بربعة،

نقلبو العجينة باش يجيو الثنيات التحت،

ندلكوها بالمدلك بشوية باش نشرو الزبدة وسط العجينة و نديروها على شكل مستطيل

و نثنيو العجين كيفما فالصورة، نخليوها ترتاح لمدة 15 دقيقة

و نعاودو ندلكوها بالمدلك و نديروها على شكل مستطيل و نثنيوها ثاني،

نخليوها ترتاح ثاني و نعاودو العملية 3 المرات، و ها هي العجينة المورقة ديالنا واجدة ،

ندخلوها ترتاح 30 دقيقة فالثلاجة، نخرجوها

ونسرحوها بالمدلك علا شكل مستطيل فبلاصة مرشوشة بالسكر سنيدة عوض الدقيق،

قدما رشيناها مزيان بالسكر قدما كاتجي البالميي مقرمشة،

من بعد نثنيوها 2 مرات علا نفسها كيفما فالصورة و نقطعوها دوائر،

ندخلوهم يطيبو في الفران السخون من الفوق لمدة 10 دقائق،

و نهبطوهم التحت يتحمرو و نردو معاهم البال حيت دغيا تيتحمرو،

منين نخرجوهم ندهنوهم بالمربى و نقدمو بالميي ديالنا باردين

بالصحة و الراحة

2 تعليقان

ترك تعليق