الرغايف بالعسل واللوز مقرمشة ولذيذة

السلام عليكم جاراتي الغزالات كيف الاحوال ؟ الرغايف بالعسل واللوز
مقرمشة ولذيذة ومقدمة من موقع جاراتي بطريقة جد سهلة تقدميها
للضياف وحبابك بلامنطول عليكم
نبداو بسم الله ونتوكلو على الله

رغايف ياللوز والعسل

المقادير :

300 غرام دقيق اصفر
100 غرام دقيق ابيض
حبة بيض
معلقة كبيرة زبدة
معلقة صغيرة خميرة
2 معالق كبار سكر سنيدة
كاس ماء
شوية الملح
للتزيين :
العسل
اللوز او زنجلان

طريقة تحضير الرغايف بالعسل اللوز :

فقصرية كنديرو الدقيق الابيض والاصفر والسكر
سنيدة والملح والزبدة والبيض

ونجمعوها بالما وخاصها تكون قاصحة

وندلكوها مزيان لمدة تقريبا 10 دقائق
والا احتاجت الماء نزيدوها

حتى تولى عندنا عجينة مدلوكة مزيان
ورطبة ونشكلوها كرات صغيرة

ونعاودو ندلكوها مرة اخرى

وحطوها فطبسيل اولا صينية مدهونة بالزيت
ونغطيوها ببلاستيك غذائي

ونخليوها ترتاح لمدة نصف ساعة وناخدو كرة
ونسرحوها فوق سطح مدهون بالزيت
ونطويوها بحال المسمن مربع

ونكملوها ونحطوها فاناء مدهون بالزيت باش
متلصقش ونبقاو بحال هاكا حتى تكملو الكملية كاملة

نديرو الزيت ديال القلي يسخن مزيان ونبداو باول
رغيفة صيبناها نبسطوها حتى تولي رقيقة ومخاصهاش
تكون سميكة باش ملي تقلى تكون مقرمشة ماشي
تكون جهة غليضة وجهة رقيقة وغتحرق بحال هاكا

وملي يسخن الزيت مزيان نرميو فه الرغايف ديالنا

وملي تبدا تحمر نقصو العافية باش تحمر بلون
زوين ومتحرقش ونبقاو بحال هاكا حتى
تكملو الكمية كاملة

وحنا كنخرجوهم من الزيت نيشان نديروهم فالعسل

لي نكونو موجدينو وملي تشرب العسل نحطوها
فوق شي شبكة باش ينزل العسل لي زايد وندردرو
فوقها اللوز مقلي ومهرمش اولا الزنجلان محمر
ونقدمو الرغايف بالعسل واللوز

بالصحة والراحة كنتمنى تعجبكم وتقدموها
لحبابكم بكل فرح

ومتنساوناش من صاح دعائكم ولاعز الناس
بالشفاء العاجل ولصاحبة الوصفة كريمة بكل خير

المصدر : صفحة الفايسبوك كدها بالفعل

اترك رد

Do NOT follow this link or you will be banned from the site!