إليكم المقادير مع طريقة التحضير✍🏻:
🔴مقادير البسبوسة:
3حبات من البيض
كأس إلا ربع حبيبات السكر(ما يعادل114غ)
كأس إلا ربع زيت (ما يعادل 110غ)
كأس عصير برتقال(180غ)
كأس عنبة سميدة رقيقة(114غ)
كأس عنبة دقيق أبيض(100غ)
زوج خمارات من وزن 8غ
ساشي الفاني
نعبرو المقادير بكأس العنبة
🔴مقادير الكراميل:
كأس حبيبات السكر
نصف كأس كريم فريش أو حليب
قبصة ملح
ملعقة كبيرة زبدة
🔴السيرو:
كأس عصير برتقال
ملعقتين كبيرتين سكر سنيدة
🔴للتزيين:
كريم شانتيي
شعرية باكستانية أو شعرية رقيقة السفة(ممكن لوز ايفيلي …)
🔴الطريقة:
نخلطوا البيض مع سكر سنيدة مع قبصة الملح،ساشي الفانيلا،نخلط بالطراب اليدوي،وحنا تنضيفوا في الزيت،عصير الليمون.
نخلط المكونات جيدا ،نضيف الدقيق،السميدة الرقيقة،الخمارات .
نغطي الخليط ،نتركه يرتاح لمدة خمس دقائق
نضع قياس ملعقة كبيرة عامرة مزيان من الخليط في مولات الكيك(من بعد ما ذهناهم مزيان بالزبدة،وغبرناهم بالدقيق)
نطيبوهم في الفران على 180درجة
🔴تحضير الكراميل:
في كسرونة تنديرو الكاس ديال سنيدة تنطيبوها حتى تولي كراميل على نار مهيلة
من بعد تنضيفو على الكراميل الكريما السائلة من بعد ما نسخنوها(نضيفوها تدريجيا،وحنا تنحركوا بملعقة خشبية)
من بعد ما يتجانسوا المكونات،نضيف قبصة ملح،ملعقة كبيرة زبدة ،ونحرك مزيان حتى ذوب الزبدة ونطفي على البوطة
🔴السيرو:كاس ليمون نضيفو عليه زوج ملاعق سكر سنيدة نديروه في كسرونة فوق البوطة تطلع فيه الغلية ونطفيو عليه
⚫️من بعد ما تيطيبو البسبوسات،نسقيوهم بسيرو الليمون ،من بعد الكراميل،نزوقوهم بكريم شانتيي،و الشعرية الباكستانيه من بعد ما حمرناها في مقيلة مع شوية الزبدة
تندخلوها الثلاجة تبرد مزيان(قد ما بقات في الثلاجة تتولي بنينة ومنعشة😉)
و بالصحة والراحة
جربوها تتجي زوينة بزاف👌🏻
