البايلا المغربية الشمالية بالصور

السلام عليكم ، نزولا عند طلب الأخت meryem والتي تريد مقادير البايلا

أقدم لكم جاراتي مقادير وطريقة تحضير البايلا المغربية الشمالية بالصور

البايلا الشمالية على طريقة المطاعم

البايلا المغربية الشمالية

مقادير البايلا

الدجاج +الكروفيت+ الكلامار

جعدة + البصلة + المعدنوس

 الفلفلة والجلبانة الي كاين حمرا او خضرا او بجوج احسن

وملعقة د مطيشة صوص او مركزة

طريقة التحضير 

كنعملو البصلة مشلدة وجعدة كبيرة محكوكة

وشوية د المعدنوس والزيت + سكنجبير+شوية الابزار+ شوية الخرقوم+رشة القرفة + الزعفران والملح

وعمل الدجاج مكعبات او اطراف الي كاين عندك يتقلى ف الطنجرة د الساعة

وزيد زلافة ونص د الما على الطنجرة تغلى واحد 10 دقايق

ف نفس الوقت غادي تقشر الكروفيت وغسل القشور وعملهم ف زلافة ونص د الما يغلى ويطلق البنة ديالو

وصفيه وضيف داك الما على الطنجرة د الساعة والكلمار والجلبانة

ملي يغلى الما ضيف على الطنجرة ف نفس الوقت زلافة د الرز +الكروفيت+ الفلفلة ومطيشة مركزة او صوص وشد الطنجرة مدة 10 دقايق

وطفي الطنجرة وخليها مسدودة حتى ما تبقاش كتصفر

وفتاح عليها غادي تلقاها شحتات والرز واقف

عملها ف مقلاه د البايلا حتى تبدا تلصاق من تحت

او عملها ف طبسيل الفرن تتحمر

او قدمها نيشان ف طبسيل التقديم وزوقها بالكروفيت او الكلامار الي موجود وبالحصة والراحة

المقادير ديال 2 او 3 د الناس وتقدرو تعمل نفس المقدير وتقدموها كاطباق جانبية

الطريقة بالتفصيل والصور نتمنى تكون المساءل واضحة

طريقة تحضير البايلا المغربية بالصور

 

 

 

 

 

 

 

 

البايلا المغربية الشمالية

بالصحة والعافية 

6 تعليقات

اترك رد

Do NOT follow this link or you will be banned from the site!