اسهل غراتان بالبطاطا فالفرن للمبتدئات بالصور

السلام عليكم جاراتي غراتان بالبطاطا هاد المرة
جبت ليكم اسهل وصفة ديال الغراتان و باقل مجهود
و كذلك المقادير متوفرة في جميع البيوت
وكنتمنى تجربوها لانها بالاضافة الى كونها سهلة شهية
وتليق طبق رئيسي في وجبة العشاء و خفيفة على المعدة

غراتان بالبطاطا

نبداو بسم الله

المقادير :

1 كيلوغرام بطاطا
نصف لتر حليب
100 غرام زبدة
ابزار
ملح
كوزة محكوكة

طريقة تحضير غراتان بالبطاطا :

نقشرو البطاطا و نقطعوها دوائر و نديروها تسلق فالما و الملح

ملي طيب البطاطا نستفوها فطبسيل كيدخل للفرن

ونكوبو الحليب

و نقطعو الزبدة مربعات ونديروها بين البطاطا ونروشو فوقهم الملح
و الابزار و الكوزة محكوكة

 وندخلوها الفرن حتى تحمر مزيان ونخرجوها

و تقدم سخونة بالصحة و العافية
كنتمنى تجربيها جارتي

11 تعليق

ترك تعليق