اروع خبيزة معمر بالطون و الخضرة

السلام عليكم من موقع جاراتي غدي نقدم ليكم اروع خبيزة معمر

بالطون و الخضرة كتحي هائلة و لذيذة بالاخص الا ضفتي معلقة

صغيرة د لهريسة وتكون لخبيزة سخونة مع براد ديال

اتاي غير جربيها اجارتي ما تعكزيش

اروع خبيزة معمر بالطون و الخضرة

مقادير عجين اروع خبيزة معمر بالطون و الخضرة

250 غ دقيق
140 غ ماء دافئ
7 غ خميرة
2 م.ك زيت زيتون او عادي لي عجبكم
ربع م.ص ملح

حشوة الخبز

بصلة متوسطة مشلضة
2 فلفة خضرا مقطعين مربعات
1 فلفل احمر صغير مقطع مربعات
2 حكاك طون مصفيين من الزيت
حفينة من الزيتون خضر مقطع
3 م.ك صوص طوماط
زيت زيتون
ابزار
ملح

طريقة تحضير اروع خبيزة معمر بالطون و الخضرة

1ـ كنجمعو جميع المقادير و نخدمو العجين بيدينا شويش لازم يكون لين

و ماكيلصقش باليد و نغطيوه و نخليوه يخمر حتى يضاعف الحجم ديالو

( بالنسبة للماء نتوما كتعجنو و نتوما كضيفو الماء على حسب كل

دقيق انما تقريبا غدي تاخد ليكم 140 غ ديال الما ) .

2 ـ ناخدو مقلاة و نديرو فيها شويش ديال الزيت و نشحرو فيها البصلة مع

الفلفة خضرا و حمرا ملح و ابزار , من بعد ما يتشحرو و ينزلو شويش

نضيفو الصوص طوماط و نطفيو عليهم , ز نزيدو الطون مع الزيتون

و نخلطو الكل و نخليو الحضوة على جنب تبرد شويش .

3 ـ من بعدما خمرات العجينة ناخدوها و نقسموها على 2 و نطلقو الكورة

الاولى بالمدلك على شكل دائري او حسب الشكل لي بغيتو

لازمذ تكون العجينة رقيييقة و نديروها فلاطة

( انا استعملت لاطة ديال البيتزا ) .

4 ـ نوضعو الحشوة من فوق العجين لي عندنا فلاطة , نطلقو النصف المتبقي

من العجين و نغطيو به الحشوة نزولو الشايط و جمعو العجينة التحتانية

مع العجينة الفوقانية و حنا كنقرصو فيها باش ماتخرجش الحشوة

 و بالنسبة للعجين لي شاط نطلقوه و نقطعوه بقطاعات الشكل

لي بغينا و نزينو به من الفوق , ندهنو بالبيض و نديرو تقيبات

فالخبيزة بقطيب ديال الشوا و ندخلوها الفران حتى

طيب و تحمر و بالف صحة و عافية

او دريها على هذ الشكل


بالصحة و الراحة

5 تعليقات

اترك رد

Do NOT follow this link or you will be banned from the site!