اروع خبز طوست بالصور

السلام عليكم و رحمة الله وبركاته من موقع جاراتي اقدم لكم طريقة تحضير اروع خبز طوست بالصور طريقة ناجحة وسهلة التحضير

مقادير خبز طوست

نصف كيلو فورص
50ج زبدة مدابة
م.ك سكر
ملح
م.ك خميرة
حليب دافئ على حساب الدقيق

طريقة تحضير اروع خبز طوست بالصور

تجمعي كلشي بالحليب دافي ودلكيها مزياان ميقلش على 10 د

وتخليها تخمر 30 دقيقة

وطلقيها بالمدلك وتروليها بحال البكيط وتعمليها في قالب

يكون مدهون بالزبدة ومرشوش بالطحين

او مغلف بورق اليمينيوم تم دهنيه بالزبدة

حاولي تكرصيها بيدك في القالب باش تجي متساوية سدي عليها وخليها تخمر واحد ساعة او اقل راها غادا تباليك طلعات تا الغلاقة

ومن بعد دخليها الفران سخون ونقصي عليه وخليها طيب

باش تعرفيها طابت تكيها بالقطيب الى خرج ناشف راها طابت ومتزوليهاش من القالب حتى تبرد واحد 15 دقيقة على الاقل باش يرجع عليها الصهد ويجي فتي وملي تقطعيها قطعيها بموس منشار
ملاحضة : بالنسبة للغلاقة ديال القالب دهنيها من الداخل بالزبدة باش ملي تطلع العجين متلسقشي فيها راكلشي موضح في الصور

او في قالب دائري كيف عملت انا في حك دحليب الاطفال او دالطماطم المركزة

في امن الله و حفضه 

8 تعليقات

اترك رد

Do NOT follow this link or you will be banned from the site!