أدوات وطريقة عمل عقاد الجلابة بالــصــور

السلام عليكم، جارتنا sara سولاتنا عن طريقة صنع عقاد الجلابة في منبر اسئلي جاراتي

وفي هذا الموضوع سأنقل لكم طريقة عمل عقاد الجلابة بالصور والمراحل المشروحة 

طريقة صنع عقاد الجلابة 

عقاد الجلابة

أول حاجة غادي تمشي عند اللي يبيع الصابرة تاخدي عليه درهم ديال التيو ديال السيروم الابيض ماشي الاسود كيف اللي عندنا فالصورة غادي غير تشوفيه تعقلي عليه

تاخدي الصابرة اللون اللي بغيتي المهم 2 الوان باش تخالفي كيف فالعقدة و تجي الزواقة باينة

و الابرة معندهاش الراس بحال ديال الرندة

اول خطوة ناخذ هاذ التيو ونقطع قطع صغيرة كما توضح الصورة

اول حاجة غادي تاخدي الخيط ديال الصابرة و تبرميه على شعرة كيف قالت الاخت يعني غادي تشدي الخيط و دوزيه على صبع ربجلك الكبير و تشدي الطرف الاخر باليد الاخرى و تجمعيهم بجوج بيدك و تبدي تبرمي باش يجيك على شعرة يعني على واحد دخليه فالابرة و من بعد غادي ديري تقبة كيف دايرة الاخت من الجنب و دخلي فيها الخيط من الفوق و دخليه فديك التقبة كيف موضحة الاخت فالصورة

هنا راها تورينا التقبة فين جايا يعني راها جنب ملي دخلت الابرة بانت مزيان

غادي تبدي نعمريها يعمني دخلي الابرة من لتحت و تخرجيها لفوق باش تعكري داك التيو و ميبقاش يبان باش يكون عليه الخيط كله و يجي مسدود بالحق خاص يكون داك الشي مقاد ماشي شي طالع فوق شي

من بعد فاش تكملي هاد القضية ديال التعمار غادي تخرجي الخيط من نفس التقبة اللي كنا دايرين فالاول باش تقفي و ميتحلش الخيط و خليه شوية طةيل باش ميزلقش و تحل العقدة

من بعد غادي تاخدي لون مغاير للون اللي خدمتي بيه ف لاباز ياك و غادي تشدي غير 3 ديال الخيطان قهويين كيف اللي فالصورة و نعمري فيهم اللون المغاير اللي غادي تاخدي انت هنا راها دايرة الاسود تعمري 3 ديال المرات لاحظي الصورة غادي تفهميني اش قلت *الى مافهمتيش هاد الرحلة نزيد نشرحها اما الى رديتي بالك للشرح و الصورة فنفس الوقت غادي تفهمي المقصود*
هكدا غادي تفوتي على العقدة كلها يعني تهزي 3 خيطان قهويين و تعمريهم ب 3 خيطان كوحل

ملي نكملو ندخلو الابرة من نفس الثقبة الي عملناها فالاول و نخرجو الخيط لتحت و هاهي العقدة ديالنا واجدة

شكرا لصاحبة الصور ” سارة المغربية ” وأيضا لصاحبة الشرح ” mima987 “

أتمنى أن الموضوع ينفع كل من يرغب في تعلم صنع العقاد ديال الجلابة

طريقة تركاب عقاد الجلابة 

الصور التالية فيها طريقة تركيب عقاد الجلابة

بالـــــتـــــوفـــيـــق

6 تعليقات

اترك رد

Do NOT follow this link or you will be banned from the site!