السلام عليكم جاراتي حلوة الشهر بالتمر
كتعجبني هاد الحلوة بزاف كتجي رائعة و بغيت
نشاركها معاكم ومنكرهش تجربوها وتعطيوني
رأي ديالكم كتجي رائعة و تحمر ليك
وجهك مع ضيافك
نبداو بسم الله
مقادير حلوة الشهر بالتمر :
الحشوة :
500 غرام تمر
معلقة صغيرة قرفة
معلقة صغيرة زبدة
معلقة كبيرة ماء الزهر
مقادير العجين :
500 غرام طحين
2 معالق كبار سكر صقيل
250 غرام زبدة
ياغورت بمذاق الفانيلا
ابيض البيض
للتزيين :
سكر كلاصي
طريقة تحضير حلوة الشهر بالتمر :
طريقة تحضير العجين :
كنخلطو الطحين و سكر صقيل و الزبدة و ا
لياغورت و ونطلكوها حتى تولي متجانسة و رطبة
طريقة تحضير الحشوة :
نغسلو التمر نحيدو ليه العظم ونبخروه لمدة 20
دقيقة ومن بعد نزيدو القرفة و الزبدة و الجنجلان
و ماء الزهر ونعجنوه مزيان تيولي عجينة متماسكة.
من بعد كنسرحو العجينة فوق طبلة بدلاك ونقطعو
دوائر بكاس او مقطع او جبانة وندهنو جناب بابيض
البيض ونديرو كويرات من عجينة التمر ونديروهوم الوسط
كنلصقو العجينة
وكنحطوها فوق طاوة مدهونة بالزيت و مرشوشة بالطحين
وكنتقبوها بفرشيطة
وكنديروها فالفران يكون سخون مزيان لمدة 15 تال 20 دقيقة
من بعد ما خرجناها نمرمدوها فسكر كلاصي
هاهيا بالصحة و العافية جارتي الكريمة
ghzala hade alhalwa tbkalha 3liki 3jbatni daba njrbha inchaalah fana bsahtki
شكرا على الوصفة. كتعجبني بزاف الحلوى بالتمر. تبارك الله عليك
waw machaallah lah irdi 3lik