السلام عليكم جاراتي اش خباركم ان شاء الله تكونو بالف خير الكعك التركي
بغيت نشارككم هاد الوصفة لاننا ولينا منفتحين على اخواننا التركيين وبالخصوص
المطبخ ديالهم الغني بلامانطول عليكم نبداو بسم الله
المقادير :
نصف كيلوغرام طحين ابيض للحلويات
120 مليلتر حليب
120 مليلتر زيت
150 مليلتر ماء دافئ
120 غرام سكر
بيضة واحدة
خنيشة فانيلا
معلقة كبيرة خميرة الخبز
معلقة كبيرة حليب غبرة
معلقة كبيرة خميرة الحلوة
معلقة كبيرة زبدة
ملح
للتزيين :
اصفر او ابيض بيضة
القليل من قهوة سريعة الذوبان
الجنجلان
طريقة تحضير الكعك التركي :
اول حاجة نبداو فيها ان شاء الله ندوبو ا
لخميرة ديال الخبز مع معلقة كبيرة سكر
فشوية الماء الدافئ ونخليوها لمدة عشر دقائق
ونديرو الخليب يسخن فوق عافية مهيلة
ونزيدو عليه الزبدة دوب
وملي دوب الزبدة نحيدوها من فوق العافية
ونديورها على جنب
ونديرو في اناء المكونات الجافة من طحين وملح و
خميرة الحلوة والسكر سنيدة و الحليب المجفف
ونخلطوهم مع بعضياتهم ونزيدو عليهم الزيت
و البيضة لي عندنا
ونخلطو ونزيدو الزبدة لي كنا دوبناها فالحليب
و الخميرة لي درناها مع سنيدة
ونبداو نجمعو العجينة
بالماء الدافئ و ندلكوها مزيان
حتى تولي رطبة و نغطيها مزيان و نحطها فشي بلاصة دايفة
ونخليوها تخمار لمدة ساعة على الاقل ومن بعد ماتخمار
ناخدو العجينة ديالنا
نخليو العجينة كيفما هي منعودوش
نجمعوها نقسموها كويرات صغارين
وناخدو كل جوج كويرات
ونديرو منها قضبان طوال
ونجمعو كل جوج مع بعضياتهم
ونضفروهم
وعاود نديرهم على شكل دائرة
باش تعطينا الشكل التقليدي ديال الكعك وملي
نكملو الكمية كاملة نستفوهم فصينية اولا طاوة
و نغطيوهم باش يخمارة لمدة 15 دقيقة ومن الاحسن قبل مايجمارو
المرة الثانية تخلطي اصفر اولا ابيض بيضة مع قهوة سريعة الذوبان
وندهنو بيها فقط الوجه ديالها ونديرو فوقها الزنجلان
انا دهنتها بيها كاملة وجا الزنجلان فيها بزاف غلب
على المذاق لي فيها ونكونو سخنا الفران من قبل
على درجة حرارة 180 وندخلوهم يطيبو حتى يتحمرو
مزيان و نقدمو الكعك التركي بالصحة و الراحة
مع العسل اولا المربى
كنتمنى تجربوه و ينال اعجابكم
و متنساوناش من صالح دعائكم
zwin bazaf 3andi wahad talab
نحن في الخدمة ان شاء الله
asalam 3alayki jarati almedira atlebe mina alahi an yahfadaki wayar3aki wayazidaki min fadlihi al3adim saraha bifadlik t3alamt alkatir mina tabkh wakol mara kanfajae zawji bchhiwatak wkayasad9e liya basah britmanak ila kan chi kikat bla sokar laha9ach hewa mrid bisokar mamnou3 3lih yaklah sokar wsamhili ila tawalt 3lik wachekran
وعليك السلام حبيبة ياربي يسمع منك الدعاء ان شاء الله وشكرا وكنطلب من الله العلي العظيم ان يشفي زوجك
تفضلي اختي بعض الوصفات الموجودة الان على هذا الرابط
http://www.jaratii.com/recipe/7244
شكرا بززززززززززززززاف
ces beau
السلام عليكم اطلب من السادة الاحباء وصفة بيتزا كوكا
تفضلي اختي على هذاالرابط
https://www.youtube.com/watch?v=hA0ZP6xn_Uw
lah ybarak siyith jani chbab lah y3tik saha jarti l3ziza
بصحتك اختي سارة