منشورة من طرف جارتي المديرة

الدجاج محمر على طريقة الدجاج ديال العراسات

Favoriteأضيفي الوصفة لقائمة وصفاتك المفضّلة

فهاد البرد تتزاد الشهية والطبلة كلما كانت مملوءة أكثر تيكون أحسن

اليوم حبيت نقترح عليكم جاراتي وصفة ممكن تعمليها للعائلة والضيوف 

وصفة شهية ومستحيل شي حد متعجبوش هي وصفة الدجاج محمر 

على طريقة الدجاج ديال العراسات 

الدجاج ديال العراسات

المقادير

3 دجاجات+ البصلة+ الربيع

الحامض مصير+الزيت الرومية والبلدية+العطرية 

الطريقة بالصور 

أول حاجة كنشدو الدجاج كنغسلوه مزيان بالملح و الحمض و نقيوه مزيان من الداخل

من بعد كنغسلوه مزيان و كنديره يقطر

و كنشدو بانيو كندير فيه حامضة معصرة+البزار +القزبر+سكنجبير

الدجاج محمر على طريقة الدجاج ديال العراسات

 كنشدو هاد الخليط او كنرقدو فالدجاج من الدخل و من برا

الدجاج محمر على طريقة الدجاج ديال العراسات

ونخليو الدجاج يبات فالشرمولة ليلة كاملة فتلاجة الغد ليه نجبدوه و نقطعو البصلة

الدجاج محمر على طريقة الدجاج ديال العراسات

كنشدو الطنجرة كنديرو فيها الزيت البلدية +شوية ديال الزيت الرومية كيسخنو

كنشدو البصلة كندروها فالطنجرة و كنخليوها تقلا

كنضفو عليها المقادير التالية

البزار +سكنجبير +الزعفران +التومة معصرة +القزبر +معلقة كبيرة ديال السمن +القلب ديال حمضة مسيرة 

الدجاج محمر على طريقة الدجاج ديال العراسات

الملح مكندروهش حيت الدجاج مرقد فيه

كنضفو جميع المقادير فوق البصلة

كنحركو مزيان

ثم كنحطو الدجاج فالطنجرة و كننقصو البوطة و كنخليو البصلة تطلق الماء ديالها ليبيه كيطيب الدجاج على خاطرو 

الدجاج محمر على طريقة الدجاج ديال العراسات 

كنشدو لغلاقة ديال الطنجرة و كنحطو فوقها الزعفران شعرة يسخن مزيان تم كنحكوه بالكف ديالنا او كنديروه فالدجاج و كنسدو الطنجرة و كنخليو الدجاج يطيب

كنشدو لقشاوش ديال الدجاج كنغسلهم مزيان او كنديرهم فكسرنة فيها شوية ديال الماء يتسلقو نصف سلقة باش يبقاو صاينين و ما يتفرتتوش منين نضيفوهم على المرقة ديال الدجاج

الدجاج محمر على طريقة الدجاج ديال العراسات

من بعدما طاب الدجاج كنحيدوه او كنحطوه على جنب

الدجاج محمر على طريقة الدجاج ديال العراسات

 و كنرميو فالمرقة ديال الدجاج هدوك لقشاوش بعدما صفيناهم من الماء مزيان

الدجاج محمر على طريقة الدجاج ديال العراسات

 تم كنضيفو الزيتون

الدجاج محمر على طريقة الدجاج ديال العراسات

كنبداو نقليو فالدجاج

الدجاج محمر على طريقة الدجاج ديال العراسات 

كنخليو المرقة حتى كتشرب مزيان او توقف او تولي خاترة عاد كنطفيو عليها و كنشدو جلوف ديال الحمض مصيرين كنقطعهم طوال و كنزوقو بهم الدجاج 

الدجاج ديال العراسات

بالصحة الدجاج المحمر في مطبخك مثل ديال العراسات

Favoriteأضيفي الوصفة لقائمة وصفاتك المفضّلة

5 18
أطباق الأعراس أطباق الدجاج أطباق تقليدية أطباق مميزة

18 تعليق

ترك تعليق