صورة الحساب الشخصي لـ جارتي المديرة
منشورة من طرف جارتي المديرة

طريقة مختلفة لبسيطلات الدجاج والقمرون بالصور

FavoriteLoadingأضيفي الوصفة لقائمة وصفاتك المفضّلة

السلام عليكم ورحمة الله وبركاته اليوم غدي نقدم ليكم طريقة مختلفة لبسيطلات الدجاج والقمرون بالصور ساهلين في التحضير او كايجيو بنان و يمكن ليك توجديهم على مائدة رمضان ان شاء الله

مقادير بسيطلات

دجاجة -كيلو قمرون مقشر ونحتفض بالقشرة -3فلفلات حمراء مشويين -حك شومبنيون -شعرية صينية -معدنوس بزايد- تومة ممعوصة اة غبرة انا كنفضل الغبرة -2حامضات -3حبات قرنفل -2ورقات سيدنا موسى -ملح وابزار -زيت

الطريقة تحضير بسيطلات الدجاج والقمرون

ناخد الدجاجة وندريها فطاوة +قشورالقمرون +الماء +قرنفل +ورقة سيدنا موسى +ملح +ابزار ونخليها تطيب مزيان

غير تطيب نزولها ونفرتتها وداك الماء للي بقى نصفيوه ونرطبو فيه الشعرية الصينية

في مقلاة نضع قمرون + زيت او زبدة +معدنوس مقطع +ملح +ابزار ونخليه يتشحر تم فالاخير نضيف عصير الحامض

ونفس للي عملنا للقمرون نديرو للدجاج

وكدلك الفلفلة والشومبنيون نخلطهم بجوج ونديرلهم بحال القمرون ماعدا الحامض بلاش

وفالاخير نضيف الشعرية لخليط الفلفلة

كاين جوج طرق للبسطيلة

الاكنتي غادي تديري بسيطلات صغار فغادي تخلطي كلشي وتعمري بحال للي درت انا هنا 

ولا غادي تديري وحدة كبيرة فالتعمار ديالها نديرو طبقة حشوة الشعرية هي الاولى والطبقة التانية تكون دجاج والطبقة التالتة تكون قمرون

وهاي واجدة لا الكبيرة ولا الصغار كلهم شهوة منهم

بصحة والراحة 

FavoriteLoadingأضيفي الوصفة لقائمة وصفاتك المفضّلة

5 2
شهيوات شهر رمضان قسم البسطيلة والبريوات مقبلات وصفات البيتزا وصفات رمضان

2 تعليق

ترك تعليق

التخطي إلى شريط الأدوات