منشورة من طرف جارتي المديرة

بطبوط بحشوة الشوارما مربع

السلام عليكم جاراتي الغاليات ان شاء الله
تكونو باحسن الاحوال نشاركو معاكم اليوم
بطبوط بحشوة الشوارما وصفة لذيذة جدا
لمحبي الشوارما والاكلات الصحية  مشروحة
بطريقة جد سهلة ومفصلة
نتوكلو على الله ونبداو بسم الله

بطبوط بحشوة الشوارما

المقادير :

مقادير العجين :
الدقيق الابيض
الدقيق الاصفر
ملح
خميرة
2 معالق زيت بلدية
2 معالق حليب نيدو
مقادير  الحشوة :
حبة بصل
زيت الزيتون
الكفتة
ملح
كمون
توابل الشواما
الربيع
الهريسة
بصلة صغيرة
خس
مطيشة
مقادير الصلصة :
دانون مسوس
معلقة كبيرة مايونيز
معلقة صغيرة موطارد
ملح
ابزار
معلقة كبيرة زيت الزيتون

طريقة تحضير بطبوط بحشوة الشوارما مربع :

اول حاجة نحضرو العجينة نديرو فالقصرية
الدقيق الابيض والاصفر والحليب غبرة
وزيت الزيتون والخميرة ونعجنوها مزيان
بالما دافي ومن بعد عاد نديرو الملح وندلكوها
لمدة قصيرة ونجمعوها ونخليوها ترتاح وتخمار
فبلاصة دافية فالمطبخ وندوزو نحضرو الحشوة
ومن بعدها الصلصة الحشوة نشلضو البصلة
ونسحروها مع الزيت وملي تدبال عاد نزيدو ليها
الكفتة وحنا كنحركو نضيفو ليها الملح والكامون
ويلا كان ممكنالقزبر يابس مطحون كيعطي لذة
خاصة للكفتة وتوابل الشوارما والربيع والهريسة
ونحركو مزيان ونخليوها طيب وندوزو نحضرو
الصلصة فالخلاط الكهربائي نديرو دانون
والمايونيز و والموطارد والملح والابزار وزيت الزيتون
ونطحنوهم مزيان حتى يولي خليط متجانس
ونديروه فشي اناء ووندخلوها للثلاجة تبرد وندوزو
نطيبو البطبوط ديالنا وملي ياخد درجة حرارة
المطبخ نفكوه ووندهنوه بالصلصة وناخدو البصلة
الصغيرة ومطيشة ووالخس ونقطعوهم شرائح
رقاق ونفرشوهم فالبطبوط ونديرو فيهم الحشوة
ديال الكفتةان شاء اله يعجبكم
وتقدموه بكل فرح لاهلكم ولحبابكم

في امان الله

اشترك بالنشرة البريدية للموقع

أدخلي ايميلك لتتوصلي بجديد الوصفات كل يوم

4 7
قسم المسمن و مشتقاته منوعات جاراتي

ترك تعليق