منشورة من طرف جارتي المديرة

طريقة تحضير بطبوط بالصور

اهلا جاراتي الغزالات ان شاء الله تكونو بخير
وعلى خير جارتي كتقدم ليك طريقة سهلة
لتحضير بطبوط مقدم من موقع sousou culinaire
من عند الاخت سهيلة جزاها الله عنا
كل خير بالصور
نتوكلو على الله ونبداو بسم الله

بطبوط

المقادير :

رابعة سميد رقيق
100غرام فورص
نصف معلقة صغيرة ملح
ملعقة كبيرة خميرة الخبز
كاس كبير ماء دافي

طريقة تحضير البطبوط :

فقصرية اولا فالة العجن نديرو السميد
والفورص ونزيدو عليها الخميرة ونبداو
نضيفو الما بشوية بشوية وحنا كنجمعو
فيها ونبداو ندلكو فيها مزيان حتى تولي
متجانسة ومتماسكة ولينة وعاد نزيدو
الملح فالاخير وندلكوها للمرة الاخيرة
بالزربة ونخليوه فاناء مغطية مزيان وفمكان
دافي حتى تخمار ويضاعف الحجم ديالها
ونعاودو نجمعوها ونقسموها لكويرات نسبيا
كبار وفوق سطح نرشو الطحين مزيان
وكل كويرة نطلقوها بالدلاك حتى يولي السمك
ديال تقريبا 4 مليمتر

وملي نكملوهم كاملين نغطيوهم بمنديل
نقي ونخليوهم بخمارو لمرة الثانية حتى يضاعف
الحجم ديالهم نسبيا ونسخنو المقلة ديالنا مزيان
ونخليو النار متوسطة ونبداو نطيبو

وملي يبدا يتنفخ نقلبوه على الجهة الثانية

ونقدمو بطبوط بالصحة والراحة

في امان الله

اشترك بالنشرة البريدية للموقع

أدخلي ايميلك لتتوصلي بجديد الوصفات كل يوم

5 7
الخبز بطبوط وصفات رمضان

ترك تعليق