منشورة من طرف جارتي المديرة

بطبوط معمر بالكفتة مشروح بالصور

Favoriteأضيفي الوصفة لقائمة وصفاتك المفضّلة

اهلا جاراتي الغزالات كيف الاحوال؟ وصفة رائعة من المطبخ الفرنسي بطبوط معمر بالكفتة وصفة لذيذة جدا ورائعة بالاضافة الا انها سهلة التحضير مقدمة لنا من الموقع uneirresistibleenviedesucre ممكن تحضريها ان كنت مبتدئة او محترفة نتوكلو على الله ونبداو بسم الله

 

بطبوط معمر بالكفتة

مقادير 9 بطبوطات:

مقادير العجين :

700 غرام فورص
115 غرام قمح
2 معالق صغار ملح
1ملعق صغيرة سكر سنيدة
1 معلقة كبيرة ونصف خميرة الخبز
525مليلتر ماء دافي
معلقة كبيرة

مقادير الحشوة :

3 حبات فلفل ملون
2 حبات بصل
علبة فطر طري
300غرام كفتة
2 قبضات زيتون خضر مقطع
3ضروس تومة
5 معالق كبار ربيع مقطع
2معالق صغار مطيشة الحك
زيت الزيتون
فرماج مثلثات
التوابل حسب الرغبة
الابزار
سكينجبير
الكاري
تحميرة


طريقة تحضير بطبوط معمر بالكفتة :

طريقة تحضير العجينة :

نديرو الفورص فالقصرية اولا فالة العجن
والقمح والملح ونحركوهم بايدينا ونزديو
الاعشاب الجافة الزعتر والريحان كيبقاو
اختيارين والسكر سنيدة والخميرة ونبداو
نعجنو وحنا كنزيدو الما بشوية بشوية
وكناكد على هاد القضية ديال شوية بشوية
باش تحكمي فالعجينة كيفما حبيتي

بطبوط معمر بالكفتة مشروح بالصور
ومن بعد 10 دقايق ديال الدليك غتحصلي
ان شاء الله على عجينة رطبة ومدلوكة مزيان

بطبوط معمر بالكفتة مشروح بالصور

ونعطيوها ونخليوها فبلاصة دافية حتى يضاعف
الحجم ديالها تقريبا 2 سوايع ممكن اقل وممكن اكثر

طريقة تحضير الحشوة :

فالخلاط الكهربائي نديرو حبات البصل مقطعين
على 4 اجزاء والفلفلة نفس الشيئ
ونطحنوهم غير شوية

بطبوط معمر بالكفتة مشروح بالصور

ونحيدوهم ونديرو الفطر حتى هو والزيتون

بطبوط معمر بالكفتة مشروح بالصور

نديرو ليهم نفس الشيئ ونحيدوه ونديروهم فاناء
بحدهوم ونديرو الكفتة فالخلاط ونزيدو عليها الثومة
والربيع ونطحنوهم

بطبوط معمر بالكفتة مشروح بالصور

وفمقلة نديرو الزيت البلدية خليط البصلة
والفلفلة ونشحروهم شوية حتى تدبال
الفلفلة والبصلة ونزيدو الخليط ديال الفطر
والزيتون ونخلطوهم مع بعض وفالاخير
نزيدو الخليط ديال الكفتة والاعشاب ونحركوهم
مزيان ومنخليوش الكفتة قطع كبيرة
ونزيدو التوابل لي كيبقاو حسب الرغبة ومعلقة
صغيرة من وحدة كافية واكثر وملي يطيب اللحم
عاد نزيدو ماطيشة الحك نحركو مزيان

بطبوط معمر بالكفتة مشروح بالصور

ونزيدو فالعافية باش الحشوة تنشف
ونبقاو نحركو باش متلصقش ومتحرقش
وملي توجد نخليوها تبرد قبل ما نستعملوها

مرحلة الحشو والطهي :

ناخدو العجينة وونعاودو نجمعوها باش
نحيدو منها الغازات ونقسموها ل 9 او 10
كويرات ويكونو فنفس الحجم

بطبوط معمر بالكفتة مشروح بالصور

ونبسطو كل وحدة

بطبوط معمر بالكفتة مشروح بالصور

بطبوط معمر بالكفتة مشروح بالصورونديرو فوقها 2 معالق كبار ديال الحشوة
اولا اكثر بقليل

بطبوط معمر بالكفتة مشروح بالصور

والوسط فرماج مثلث

بطبوط معمر بالكفتة مشروح بالصور

ونجمعوها

بطبوط معمر بالكفتة مشروح بالصور

بطبوط معمر بالكفتة مشروح بالصور

بطبوط معمر بالكفتة مشروح بالصور

ونديروها فوق صينية مرشوشة مزيان بالطحين

بطبوط معمر بالكفتة مشروح بالصور

ونبقاو بحال هاكا حتا نكملو الكمية كاملة
ونديرو المقلة تسخن وملي نبغيو نطيبو
نرشوها بزيت المائدة وناخدو الكريصات لي
حشينا الاولين هوما لي نبداو بيهم نبسطوهم

بطبوط معمر بالكفتة مشروح بالصور

ونديروهم يطيبو

بطبوط معمر بالكفتة مشروح بالصور

على جناب بجوج ونبقاو بحال هاكا

بطبوط معمر بالكفتة مشروح بالصور

حتى نكملو الكمية كاملة ونقدمو
بطبوط معمر بالكفتة

بطبوط معمر بالكفتة مشروح بالصور

بالصحة والراحة

بطبوط معمر بالكفتة مشروح بالصور

في امان الله

Favoriteأضيفي الوصفة لقائمة وصفاتك المفضّلة

5 7
البطبوط الخبز معجنات رمضان وصفات رمضان

ترك تعليق