منشورة من طرف جارتي المديرة

بطبوط محضر على الة البانيني

Favoriteأضيفي الوصفة لقائمة وصفاتك المفضّلة

 اهلا وسهلا جاراتي الحبيبات ان شاء الله
تكونو بخير وعلى خير طريقة جميلة من عند
الاخت سهيلة لتحضير بطبوط على الة البانيني
من موقع sousou-culinaire.over-blog.com من
طبيعة الحال الطريقة جد سهلة
ومشروحة بالصور
نتوكلو على الله ونبداو بسم الله

بطبوط

المقادير :

200 غرام طحين فورص
200غرام قمح
1معلقة كبيرة خميرة الخبز
2معالق صغار سكر سنيدة
معلقة صغيرة ملح

طريقة تحضير بطبوط  :

كنخلطو الطحين والقمح مع الملح غير بايدينا
والخميرة نكونو من قبل درناها مع سكر السنيدة
فالما دافي ونخليوها تقريبا لمدة 10 دقائق
نضيفوها ونبداو نعجنو بالما دافي نزيدو بشوية
بشوية وحنا كندلكو حتى تولي عندنا عجينة
متجانسة ورطبة ونغطيوها ونخليوها فبلاصة
دافية حتى يولي الحجم ديالها مضاعف ونعاودو
نجمعوها ونقسموها لكريصات كبار الحجم وكل
وحدة نطلقوها بالدلاك ويكون مرشوش السطح
فوقاش غنطلقوها بالقمح اولا السميد الرقيق
وكل كرصة وجدناها نحطوها فوق منديل نقي
حتى نكملو الكمية كاملة ونغطيوها بمنديل اخر
حتى تخمار العجينة للمرة الثانية ونديرو
المقلة الثقيلة تسخن مزيان اولا الة البانيني
والعافية تكون متوسطة ونبداو نطيبو

بطبوط  محضر على الة البانيني

وملي تنفخ نقلبوها على الوجه الثاني

بطبوط  محضر على الة البانيني

ونبقاو بحال هاكا تانكملو الكمية كاملة
ان شاء الله ونقدمو بطبوط

بطبوط  محضر على الة البانيني

بالصحة والراحة

بطبوط  محضر على الة البانيني

في امان الله

Favoriteأضيفي الوصفة لقائمة وصفاتك المفضّلة

5 3
البطبوط الخبز

3 تعليقات

ترك تعليق