منشورة من طرف جارتي المديرة

بيني محشو سهل التحضير بالصور

السلام عليكم جاراتي العزيزات وصفة
جديدة للاخت الفاضلة كريمة من صفحة
الفايسبوك كدها بالفعل كتقدم لينا بيني
محشو بالشكلاط اولا الكونفتير على
حسب الرغبة الطريقة مشروحة بالصور
نتوكلو على الله نبداو بسم الله

بيني محشو بالشكلاط

المقادير :

250 غرام طحين
50 سنتليتر حليب
1 حبة بيض
3 ملاعق سكر سنيدة
50 غرام زبدة
ملح
كيس خميرة الحلوى
كيس فانيلا
شوية خميرة الخبز


للحشو :
مربى
شكلاط
للتزيين :
سكر سنيدة

طريقة تحضير بيني محشو بالشكلاط :

كنطربو البيض مزيان

ونزيدو عليه الحليب

ونعاودو نطربو بالطراب الكهربائي
ملح

سكر الفانيلا

وسكر سنيدة

ونحركوهم مزيان وعاد نزيدو الطحين

ونحركو مزيان غتجينا العجينة كتلصق
بزاف عاد نديرو الزبدة

وندخلوها مزيان فالعجينة حتى تولي
عندنا العجينة متماسكة وقاصحة شوية

ونديروها فاناء ونغطيوها ببلاستيك غذائي

حتى يضاعف الحجم ديالها

ونطلقوها فوق سطح مرشوش مزيان
بالطحين ونخليوها سميكة نسبيا ونبداو
نقطعو بالكاس

ونستفوهم فصينية مرشوشة بالطحين
مزيان ونخليوها تخمر للمرة الثانية

ونديرو الزيت يسخن مزيان على نار
مهيلة ونبداو نطيبو باول وحدة صيبناها
ومنقلبوها حتى تحمار من الجهة التحتانية

ونقلبوها وملي طيب نحطوها فطبسيل
فيه منديل ورقي يمص الزيت لي زايد
ناخدو جوج ابرات يكونو معقمات بلا شوكة
وحدة نعمروها بالكونفتر و وحدة بالشكلاط

ونديرو تقيبة صغيرة فالجنب ديال البيني
ونعمروها بالشكلاط اولا الكونفتير

ونمرمدوها فالسكر سنيدة ونقدمو
بيني محشو بالشكلاط او بالكونفتير

بالصحة والراحة

في امان الله

اشترك بالنشرة البريدية للموقع

أدخلي ايميلك لتتوصلي بجديد الوصفات كل يوم

5 7
قسم المسمن و مشتقاته وصفات المسمن

ترك تعليق