منشورة من طرف جارتي المديرة

بسكويت بالشكلاط بطريقة جد سهلة

Favoriteأضيفي الوصفة لقائمة وصفاتك المفضّلة

 السلام عليكم جاراتي الغزالات كيف الاحوال
بسكويت بالشكلاط وصفة مقدمة لنا من
موقع moutfou الرائع و وصفاته السهلة
تحضريه للوليدات بكل حب وفرح بطريقة
جد بسيطة والنتيجة جميلة ان شاء الله
نتوكلو على الله ونبداو بسم الله

بسكويت بالشكلاط

مقادير 30 بسكويتة :

200 غرام مايزينا

250 غرام زبدة

2  حبات بيض

150 غرام سكر صقيل

معلقة صغيرة روح الفانيلا
او كيس سكر الفانيلا

1 كيس خميرة الحلوة

2 معالق صغار كاكاو مر

الدقيق حسب الخليط

مقادير الكناش :

40 سنتيليتر قشدة سائلة

200 غرام شكلاط اسود

200 غرام شكلاط ابيض

طريقة تحضير بسكويت بالشكلاط :

اولا كنطربو البيض مع السكر سنيدة بالطراب
الكهربائي وحنا على نفس المنوال نضيفو
الزبدة وملي يندامجو نزيدو الفانيلا والكاكاو
من وراها مايزينا والخميرة وملي هادشي
كامل يعطينا خليط متجانس نحبسو تطراب
ونبداو نضيفو الطحين بشوية بشوية وحنا
كنعجنو مندلكوهاش حتى تولي عندنا عجينة
رطبة مكتلصقش نجمعوها فكيس بلاستيكي
غذائي ونخليوها ترتاح لمدة 30 دقيقة وندوزو
نحضرو الكناش فكاسرونة نديرو القشدة تغلى
ونزيدو عليها الشكلاط الابيض والاسود
ونحركوهم مزيان حتى يوليو خليط متجانس
ونخليوه على جنب ياخد درجة حرارة المطبخ
ونجيبو العجينة نسرحوها بالدلاك ونقطعوها
بالمقطع لي بغيتي ولي عندك ماشي شرط
شكل محدد ونستفوهم فطاوة مدهونة مزيان
بالزيت وندخلوهم يطيبو في فران مسخن
على درجة حرارة 180 لمدة تقريبا 20 دقيقة
وكتبقا على حسب نوعية الفرن وملي نخرجوها
من الفران وتبرد نجمعو كل جوج بالكناش

بسكويت بالشكلاط بطريقة جد سهلة

ونقدمو بسكويت بالشكلاط

بسكويت بالشكلاط بطريقة جد سهلة

بالصحة والراحة

بسكويت بالشكلاط بطريقة جد سهلة

في امان الله

Favoriteأضيفي الوصفة لقائمة وصفاتك المفضّلة

5 6
حلويات حلويات الصابلي منوعات جاراتي

6 تعليقات

ترك تعليق