منشورة من طرف جارتي المديرة

بسكويت بحشوة البندق

مرحبا بكم احبائي معنا كيف الاحوال اليوم
وصفة من وصفات الاخت ليلى كاميل بسكويت
بحشوة البندق  محضر طريقة جد سهلة لدرجة
الذهول والمذاق لا نقاش فيه من طبيعة الحال
والطريقة لتسهيلها مشروحة بالصور
نتوكلو على الله ونبداو بسم الله

بسكويت بحشوة البندق

المقادير :

مقادير العجين :
رابعة دقيق الفورص
1 حبة بيض
100غرام زبدة
معلقة صغيرة خميرة الحلوى
150 غرام سكر سنيدة
1 كيس سكر الفانيلا
ملح
مقادير الحشوة :
صلصة الكراميل
30غرام شكلاط
30 غرام بندق

طريقة تحضير بسكويت بحشوة البندق :

نطربو الزبدة والسكر سنيدة

بالطراب الكهربائي حتى تولي على
شكل كريمة ونزيدو عليها البيض

وفنفس الوقت كنطربو وعاد فالاخير نزيدو
الفانيلا والدقيق والخمارة ونجمعو العجينة

بلامندلكوها ونديروها فبلاستيك غذائي
ونحطوها فالثلاجة لمدة ساعة كاملة على
الاقل وملي نخرجوها من الثلاجة نقسموها
على جوج بالتساوي

ندوزو نوجدو الحشوة نسخنو صلصة الكراميل
والبندق لي خاصو يكون محمر من قبل

ونزيدو عليه الشكلاط لي نكونو دوبناها
فحمام مريم ونخلطوهم مع بعض

ونخليوهم يفترو شوية وندوزو للعجينة
ناخدو الجزء الاول نطلقوه فوق البوطاجي
بالدلاك ويكون مرشوش مزيان بالدقيق
ونطبعو دوائر عليها وسط كل دائرة نديرو شوية
من الحشوة قياس معلقة صغيرة

ونسرحو الجزء الثاني ديال العجينة
ونحطوه فوق الجزء الاول ونقطعو بالمقطع
ونتبتو جناب بالفورشيطة اولا غير بصبعانا
نستفوهم فوق طاوة مدهونة بالزيت ومرشوشة
بالطحين

وندخلوها للفران يكون مسخن من قبل
وتبقا لمدة ربع ساعة تقريبا وملي تخرج
وهي سخونة نمرمدوها فالسكر صقيل

ونقدموها بكل سرور للضياف

فالمناسبات والعراضات ونالو نصيب
من صالح دعائكم ولاغلى الناس
بالشفاء العاجل ولصاحبة الوصفة جزاها الله
عنا كل خير

في امان الله

اشترك بالنشرة البريدية للموقع

أدخلي ايميلك لتتوصلي بجديد الوصفات كل يوم

5 2
حلويات حلويات الصابلي

2 تعليقان

ترك تعليق