منشورة من طرف جارتي المديرة

طريقة تحضير عقدة اللوز

السلام عليكم جاراتي الحبيبات ان شاء الله
تكونو بخير وعلى خير بما اننا فمجموعة من
الحلويات الراقية كنحتاجو عقدة اللوز لي قدمتها
لينا الاخت كريمة بطريقة سهلة ومصورة ان
شاء الله تعجبكم نتوكلو على الله ونبداو بسم الله

عقدة اللوز

المقادير :

500 غرام لوز
200 غرام سكر سنيدة
50 غرام زبدة
ملعقة كبيرة مربى المشمش
2 معالق كبار ماء زهر
للتنسيم قشور الحامض او البرتقال
روح اللوز او الفانيلا سائلة

طريقة تحضير عقدة اللوز :

ناخدو اللوز نصلقوه اولا نغليو غير الما مزيان
ونديرو فيه لمدة تقريبا 10 دقايق ونقشروه
ونسرحوه فطاوة وندخلوه الفران يكون
مسخنينو من قبل حتى ينشف

نطحنو اللوز بحدو

حتى يولي بودرة وعاد من بعد نطحنوه
مع سكر سنيدة

والمرة الثالثة نزيدو عليه ماء الزهر

ونديروها فشي اناء ونزيدو عليها زبدة دايبة
ومربى المشمش ومن الاحسن يكون مربى
ديال الحلوى

ومن بعد نزيدو واحد من المنسمات ديالنا
انا قسمت العقدة على ربعة وكل جزء بمنسم
وممكن ايضا نزيدو ملونات غذائية ونوجدو بيها
الاطباق ديالنا كنتمنى تعجبكم عقدة اللوز

وتدعيو معانا بالخير ولاغلى الناس بالشفاء
العاجل وللاخت كريمة جزاها الله عنا كل خير

المصدر : صفحة الفايسبوك كدها بالفعل

اشترك بالنشرة البريدية للموقع

أدخلي ايميلك لتتوصلي بجديد الوصفات كل يوم

5 3
حلويات اللوز

تعليق واحد

ترك تعليق