منشورة من طرف جارتي المديرة

حلوة عين الجمل باللوز محضرة بطريقة جد سهلة

Favoriteأضيفي الوصفة لقائمة وصفاتك المفضّلة

السلام عليكم جاراتي الغزالات ان شاء الله تكونو بخير
حلوة عين الجمل باللوز مقدمة من موقع جاراتي من عند الاخت كريمة
مشروحة بالصور وبطريقة بسيطة توجديها فالمناسبات والاعياد ولحبابكم
ولضيافكم العزاز بلامنطول عليكم
نتوكلو على الله ونبداو بسم الله

حلوة عين الجمل

المقادير :

مقادير العجين :
نص كيلوغرام طحين ابيض
100 غرام زبدة طرية
1 اصفر بيضة
2 معالق كبار ماء الزهر
معلقة كبيرة سكر سنيدة
قبصة الملح
ماء بارد للعجن
مقادير عقدة اللوز :
500 غرام لوز
200 غرام سكر سنيدة
50 غرام زبدة
معلقة كبيرة مربى المشمش
2 معالق كبار ماء الزهر
للتزيين :
لوز
عسل اولا ناباج

طريقة تحضير حلوة عين الجمل باللوز :

نبداو اولا بطريقة تحضير العجين نديرو فقصرية الطحين
الملح السكر زبدة ونخلطو كلشي مزيان وعاد نزيدو اصفر
البيض وماء الزهر ونزيدو الماء بارد بشوية بشوية مغنحتاجوش
بزاف وندلكوها مزيان وخاصها تكون قاصحة باش ملي ندلكوها
تولي رطبة ونلموها ونديروها فكيس بلاستيكي وندخلوها للثلاجة
لمدة 3 ساعات وندوزو نوجدو عقدة اللوز اولا ناخدو اللوز نصلقوه
ونقيوه وندخلوه لفران يكون مسخن من قبل لمدة 5 دقايق باش
ينشف ونطحنوه حتى يولي بودرة ومن بعد نطحنوه للمرة الثانية
مع سكر سنيدة والمرة الثالثة نزيدو عليه ماء الزهر والزبدة والمربى
وممكن تنسميها بقشور الحامض اولا البرتقال اولا روح اللوز اولا فانيلا
سائلة وممكن تختاري جارتي العزيزة المههم انك تحصلي على عقدة
مذاقها والنسمة ديالها رائعة

حلوة عين الجمل باللوز محضرة بطريقة جد سهلة

من بعد نجبدو العجينة ديالنا من الثلاجة ونسرحوها بدلاك
فوق طبلة مرشوشة بالطحين ونحربلو اللوز ونديروه
فوق العجينة

حلوة عين الجمل باللوز محضرة بطريقة جد سهلة

ونلويوها عليها

حلوة عين الجمل باللوز محضرة بطريقة جد سهلة

ونقطعو لي شاط بسكين حاد ويولي عندنا قطيب
ونقادو الشكل ديالو

حلوة عين الجمل باللوز محضرة بطريقة جد سهلة

حلوة عين الجمل باللوز محضرة بطريقة جد سهلة

ونشكلوها على شكل لوزة اولا عين

حلوة عين الجمل باللوز محضرة بطريقة جد سهلة

حلوة عين الجمل باللوز محضرة بطريقة جد سهلة

ونجيب المنكاش ونقشها فالوجه ديالها بالطريقة لي حبيتي لالة

حلوة عين الجمل باللوز محضرة بطريقة جد سهلة

ونحوطو اللوزة فالوسط

حلوة عين الجمل باللوز محضرة بطريقة جد سهلة

وندخلوهم للفران لمدة ماكملاش 10 دقايق الا كان سخون غير
العجينة طيب ومتحمرش ونخرجوها ونغطسوها فالناباج اولا العسل

حلوة عين الجمل باللوز محضرة بطريقة جد سهلة

ونحطوها فوق شي شبكة حتى تسقطر

حلوة عين الجمل باللوز محضرة بطريقة جد سهلة

عاد نقدمو حلوة عين الجمل باللوز بالصحة والراحة
من بعد منكونو درناها فكويغطات

حلوة عين الجمل باللوز محضرة بطريقة جد سهلة

كنتمنى تعجبكم وتقدموها لاحبابكم

حلوة عين الجمل باللوز محضرة بطريقة جد سهلة

ونالو نصيب من صالح دعائكم ولاغلى الناس بالشفاء العاجل
ولصاحبة الوصفة بكل خير جزاها الله عنا كل خير

المصدر : صفحة فايسبوك كدها بالفعل

Favoriteأضيفي الوصفة لقائمة وصفاتك المفضّلة

5 19
حلويات حلويات العيد حلويات اللوز حلويات المناسبات

19 تعليق

ترك تعليق