منشورة من طرف جارتي المديرة

طريقة سهلة لتحضير الميلفاي في المنزل

Favoriteأضيفي الوصفة لقائمة وصفاتك المفضّلة

مرحبا بكم جاراتي جبت ليكم هاد المرة
طريقة تحضير الميلفاي في المنزل بسهولة
وبمقادير سهلة ومتوفرة فكل بيت بلاما نطول
عليكم نبداو بسم الله  ونتوكلو على الله

الميلفاي في المنزل

المقادير :

العجينة المورقة
مقادير كريم باتيسيير :
4 اصفر البيض
نصف مليلتر حليب
‘à غرام طحين
30 غرام مايزينا
سكر الفانيلا
50 غرام سكر سنيدة
قبصة ملح
مقادير الكلاصاج :
100 غرام سكر كلاصي
قطرات ماء
للتزيين :
30 غرام شكلاط اسود

طريقة تحضير الميلفاي في المنزل :

اول حاجة نديرو الحليب يغلى مع شوية الملح وسكر
الفانيلا وحالة كانت عندكم الفانيلا طرية فهي احسن
تشقوها على جوج وتحيدو ليها البذور ديالها بسكين
وحتى العود ديالها نديروه فالحليب ونجيبو اناء اخر
نطربو فيه اصفر البيض مع سكر سنيدة بمعلقة ديال
العود حتى يولي اللون ديالهم مائل للابيض ونبداو
نزيدو بشوية بشوية الطحين فرينة ودقيق الذرة ونطربو
حتى يولي خليط متجانس ونبداو نزيدوه ببطء على الحليب
لي كنا غلينا مع الفانيلا وصفيناه وحنا كنحركو ونديروهم
فوق عافية مهيلة ونبقاو نحركو باش ميتعزلش البيض ويطيب
وملي يولي ثقيل نحيدوه من فوق النار ونخليوه ياخد درجة
حرارة المطبخ ونطيبو العجينة المورقة من بعد منكونو سرحناها
بدلاك فوق سطح مرشوش مزيان بالطحين ونقطعوها على شكل
مستطيل ونديروها فوق طاوة مغطينها بورق سيلفيريزي ونغطيو
العجينة من الفوق ونتقلوها بشي حاجة من الفوق وندخلوها
الفران مكتاخدش وقت طويل باش تحمر 10 دقائق تقريبا
ونقطعوها بسكين ديال الخبز على شكل مستطيل وناخدو 3
القطع ونجمعو مابين كل جوج بالكريم باتيسيير  وناخدو السكر
كلاصي نخلطوه مع الما ونخليوه عاقد وندهنو بيه الوجه الفوقاني
ديال الميلفاي وندخلوها للثلاجة حتى يشد راسو ونزوقوها
بالشكلاط الاسود دايب

طريقة سهلة لتحضير الميلفاي في المنزل

ونقدمو الميلفاي في المنزل

طريقة سهلة لتحضير الميلفاي في المنزل

بالصحة والراحة نتمنى تجربوها

طريقة سهلة لتحضير الميلفاي في المنزل

وتولي من وصفاتكم المفضلة
ونالو نصيب من صالح دعائكم
والدعاء لاغلى الناس بالشفاء العاجل
ان شاء الله ولصاحبة الوصفة جزاها الله عنا كل خير

طريقة سهلة لتحضير الميلفاي في المنزل

المصدر :delicesdetouslesjours.over-blog.com

Favoriteأضيفي الوصفة لقائمة وصفاتك المفضّلة

5 6
طورطات و حلويات الكريم منوعات جاراتي

6 تعليقات

ترك تعليق