منشورة من طرف جارتي المديرة

كيكة بالكرعة الخضرا والفلفلة وصدر الدجاج

Favoriteأضيفي الوصفة لقائمة وصفاتك المفضّلة

اهلا جاراتي ان شاء الله تكونو بخير كيكة بالكرعة الخضرا والفلفلة
وصدر الدجاج مقدمة بطريقة جد سهلة وتجي لذيذ ان شاء الله
ومكتحتاجش بزاف المقادير باش نحضروها يعني من الاطباق
الاقتصادية بالاضافة الا انها مفيهاش مواد مواد غير صحية
ومتقلش على المعدة نتوكلو على الله ونبداو بسم الله

كيكة بالكرعة الخضرا والفلفلة وصدر الدجاج

المقادير :

300 غرام كرعة خضرا
فلفلة حمرا
بصلة
200 غرام صدر الدجاج
150 غرام طحين
3 البيضات
10 سنتيليتر حليب
معلقة كبيرة موطارد
نصف كيس خميرة الحلوة
2 معالق كبار قزبر ومعدنوس
ملح
ابزار
10 غرام زيت الزيتون
قبصة سودانية

طريقة التحضير :

اول حاجة نبداو بيها ان شاء الله نشعلو الفرن يسخن من
وراها نطربو البيض والموطارد ومن بعد نبداو نزيدو بشوية
بشوية الطحين مخلط مع الخميرة

كيكة بالكرعة الخضرا والفلفلة وصدر الدجاج

وحنا كنطربو نزيدو عليه الحليب ونضيفو الملح والابزار
على حسب الذوق ديالك جارتي العزيزة وايضا قزبر
ومعدنوس مقطعين مزيان وملي نخلطو هادشي كامل
مزيان ندوزو نوجدو الخضر ديالنا

كيكة بالكرعة الخضرا والفلفلة وصدر الدجاج

كنغسلو كرعة خضرا ونقطعوها مكعبات صغارين ونقيو
البصلة ونحكوها وحتى الفلفلة نقطعوها مكعبات صغارين

كيكة بالكرعة الخضرا والفلفلة وصدر الدجاج

ونديرو هادشي كامل فمقلة وتكون فيها زيت الزيتون
ونشحرو فيها الخضرة ديالنا كاملة وملي تبدا طلق
الما نصفيوها وناخدو صدر ديال البيبي
ونقطعوه مربعات صغارين

كيكة بالكرعة الخضرا والفلفلة وصدر الدجاج

ونزيدوه على العجينة ونخلطو مزيان ومن
بعد نجيبو الخضرة ديالنا نضيفوها على الخليط ديالنا

كيكة بالكرعة الخضرا والفلفلة وصدر الدجاج

ونحركو الخليط مزيان حتى يولي متجانس

كيكة بالكرعة الخضرا والفلفلة وصدر الدجاج

ومن بعد نكوبوه فالمول ديالنا لي يكون مدهون
بالزبدة ويلا استلزم الامر نرشوه بشوية الطحين

كيكة بالكرعة الخضرا والفلفلة وصدر الدجاج

وندخلوها طيب لمدة 35 دقيقة ونفس درجة حرارة الفرن
ويلا بغينا نتاكدو واجدة نخشيو فيها موس ويلا خرجناه
ولقيناه ناشف راها واجدة ونخرجوها

كيكة بالكرعة الخضرا والفلفلة وصدر الدجاج

ونقدمو كيكة بالكرعة الخضرا والفلفلة وصدر الدجاج

كيكة بالكرعة الخضرا والفلفلة وصدر الدجاج

بالصحة والراحة

كيكة بالكرعة الخضرا والفلفلة وصدر الدجاج

كنتمنى تعجبكم ومتنساوناش من صالح دعائكم ولصاحبة
الوصفة ولاعز الناس بالشفاء العاجل

كيكة بالكرعة الخضرا والفلفلة وصدر الدجاج

المصدر : www.ohlagourmandedel.com

Favoriteأضيفي الوصفة لقائمة وصفاتك المفضّلة

5 2
أطباق الدجاج قسم الطبخ والاطباق

2 تعليقان

ترك تعليق