منشورة من طرف جارتي المديرة

كريمة بجبنة الماسكربون

كريمة بجبنة الماسكربون جد سهلة التحضير لتزيين الطورطات
وكب كيك وايضا الطارطوليت كتجي لذيذة جدا وخفيفة ومكتحتاجش
وقت كبير باش نحضروها
نتوكلو على الله

كريمة بجبنة الماسكربون

المقادير :

250 جبنة الماسكربون
2 معالق كبار عسل
2 معالق كبار زبدة
120 غرام سكر صقيل
شكلاط اسود دايب
2 معالق عجينة الفول السوداني

طريقة التحضير :

اول حاجة كطربو بالطراب الكهربائي العسل
مع السكر صقيل والزبدة لي تكون خارجة بمدة
من الثلاجة يعني خاصها تكون مرخية

حتى تولي عندنا كريمة بيضاء وخفيفة

ومن بعد

نزيدو عجيبة الفول السوداني وهي كيتدهن بيها الخبز
وعطات مذاق رائع للكريمة وهاد العجينة اختيارية
ممكن تستغناي عليها وممكن تعوضيها بشي نكهة
كتفضليها نتيا جارتي العزيزة

ونطربو مزيان حتى تولي متجانسة

وفالتالي نزيدو جبن الماسكربون

وحنى كنخلطو بالطراب وفالاخير
الشكلاط دايب

كيعطي مذاق متناغم مع عجينة الفول السوداني
والجبنة وايضا كيعطي لون خاص للكريمة

وكنبقاو نطربو حتى تولي عندنا كريمة خفيفة
مزيان ومتجانسة وتولي كريمة بجبنة الماسكربون
صالحة للاستعمال

ان شاء الله تجربوها وتعجبكم ومتنساوناش من صالح دعائكم
وايضا صاحبة الوصفة ولاغلى الناس بالشفاء العاجل

المصدر : صفحة الفايسبوك كدها بالفعل

اشترك بالنشرة البريدية للموقع

أدخلي ايميلك لتتوصلي بجديد الوصفات كل يوم

5 7
قسم الصلصات و الكريمات

ترك تعليق