منشورة من طرف جارتي المديرة

قلب اللوز وصفة مغاربية وراقية للمناسبات

قلب اللوز وصفة تقليدية بامتياز وايضا راقية كتكون موجودة
فكل موائد جيرانا المغاربيين فالمناسبات والاعياد الدينية مشروحة
بتفاصيل دقيقة لتسهيل عملية تحضيرها عليك جاراتي من عند
الاخت كريمة نتوكلو على الله

قلب اللوز

المقادير :

500 سميدة غليضة
125 غرام زبدة دايبة
120 غرام سكر
125 مليلتر خليط مابين ماء الزهر وماء الشرب
الحشوة :
300 غرام لوز
3 معالق قرفة
سكر سنيدة
2 معالق صغار زبدة
للسيرو:
3 كيسان سكر
كاس ماء
قطرات من ماء الزهر
حامضة معصورة
للتزيين :
حبات لوز

طريقة تحضير وتقديم قلب اللوز :

كناخدو السميدة لي عندنا كنزيدو عليها السكر سنيدة
بالنسبة للسكر ممكن تخلي هاد الكمية ممكن تنقصي
منها لانه مازال غتزيدي السيرو فالاخير ونزيدو الزبدة

ونبسبسوها مزيان غير باصابعنا ونضيفو ليها نصف كاس
من خليط ماء الزهر وماء الشرب ونبسبسوها مرة
خرا ونغطيو الاناء لي فيه الخليط ديالنا يرتاح ليلة كاملة

وفاليوم الثاني نزيدو الكمية لي بقات ديال الما
وناخدو اللوز نسلقوه ونقشروه ونقليوه  ونخليوه
حتى هو لبلة كاملة واليوم الثاني عاد نطحنوه مع
3 معالق قرفة وشوية السكر

وملي يتطحن نزيدو عليه الزبدة دايبة ونخلطو
مزيان ومن بعد نجيبو المول ديالنا يكون
مدهونة بالزبدة

نديرو فيه نصف كمية السميدة ونسرحوها
مزيان وتكون مقادة

ومن بعد نجيبو اللوز

ونسرحوه حتى هو

ومن بعد الطبقة الثانية ديال السميدة

ونسرحوها

ومن بعد نقطعو على شكل مربعات وناخدو
حبات لوز وفكل مربع نديرو لوزة

وندخلوها الفران وندوزو نوجدو السيرو ديالنا
نيدرو لسكر والما وماء الزهر فكسرونة

ونخليوه يبقا يغلى ونزيدو عليه عصير حامضة اولا
ليمونة وملي يتقال ونخرجو الصينية ديالنا
من الفران وبالسيرو ديالنا نسقيو بيه

قلب اللوز ونقدموه

بالصحة و الراحة وكنتمنى يعجبكم

اشترك بالنشرة البريدية للموقع

أدخلي ايميلك لتتوصلي بجديد الوصفات كل يوم

5 3
حلويات اللوز

3 تعليقات

ترك تعليق