منشورة من طرف جارتي المديرة

ضلعة معمرة بالكبدة ومحمرة فالفران شهوة منها لذيذة وهشيشة

Favoriteأضيفي الوصفة لقائمة وصفاتك المفضّلة

السلام عليكم جاراتي ان شاء الله تكونو بخير وعلى خير بغيت نشارك معاكم
وصفة ضلعة معمرة بالكبدة ومحمرة من عند الاخت فاطمة جراها الله عنا كل
خير لانها سهلة جدا ممكن حتى للمبتدئات يوجدوها وتجي بنينة ان شاء الله
وتحمر ليك وجهك مع ناسك
نبداو بسم الله :

ضلعة معمرة بالكبدة محمرة

المقادير :

ضلعة ديال الخروف تكون فيها 2 كيلو تقريبا
250 غرام كبدة ديال الخروف
كيس صغير ديال الشعرية الصينية
شعيرات زعفران الحر
150 غرام زبدة
150 فطر مأكول
100 غرام زيتون اخضر مقطع
ملح
ابزار
زعفران العادي اولا الملون
سكينجبير
قزبر ومعدنوس

ضلعة معمرة بالكبدة ومحمرة فالفران شهوة منها لذيذة وهشيشة جاراتي

طريقة التحضير :

اول حاجة من بعد مكنكونو غلينا الما مزيان كنخويوه على الشعرية الصينية ونخليوها تطلق
و ونديرو فإناء الكبدة ديال الخروف مقطعة على شكل مربعات من الاحسن يكونو متساوين
فالقد ديالهم والفطر المأكول الا كان طري من الاحسن مكانش متوفر تكتفي بالمعلب
الزيتون الملح الابزار الزعفران العادي اولا المكون الكيميائي وانا مكنصحش بيه من
الاحسن استعملو الزعفران الحر اولا الخرقوم ونديرو فقط 75 غرام زبدة اي نصف
الكمية وممكن الا كان السمن غتجي اروع
ونجيبو الشعرية الصينية لي غتكون جاهزة ونقطعوها

ضلعة معمرة بالكبدة ومحمرة فالفران شهوة منها لذيذة وهشيشة جاراتي

ونخلطو الكل جيدا حتى العناصر يدخلو فبعضياتهم ونفتحو
الضلعة من جنب واحد والفتحة تكون على شكل الجيب
ونعمروها مزيان بالحشوة ديالنا

ضلعة معمرة بالكبدة ومحمرة فالفران شهوة منها لذيذة وهشيشة جاراتي

ونجيبو خيط ابيض يكون نقي ونخيطو بيه الفم ديال الضلعة ديالنا ونخيبو نصف
الكمية لي بقات ديال الزبدة ونخلطوها مع الزعفران الحر وندهنو بيها الضلعة
ديالنا مزيان ونحطوها فكسكاس تكون البرمة ديالو فيها الما ومن الفوق نديرو
ليه بلاستيك غذائي ونخليوها طيب لمدة ساعة وكل مرة نبقا ندهنو بالزبدة
والزعفران وملي يطيب ويتحمر نقدمو
ضلعة معمرة بالكبدة ومحمرة فطبق التقديم

ضلعة معمرة بالكبدة ومحمرة فالفران شهوة منها لذيذة وهشيشة جاراتي

مرفوق بالخضرة مسلوقة متبلة والفرماج
وهاهيا ضلعة معمرة بالكبدة ومحمرة بالصحة والراحة

ضلعة معمرة بالكبدة ومحمرة فالفران شهوة منها لذيذة وهشيشة جاراتي

كنتمنى تعجبكم وتجربوها متنساوناش
من صالح دعائكم واغلى الناس بالشفاء العاجل

Favoriteأضيفي الوصفة لقائمة وصفاتك المفضّلة

5 3
أطباق لحم الغنم

3 تعليقات

ترك تعليق