منشورة من طرف جارتي المديرة

حلوة اللوز والشكلاط لدواز اتاي وايضا المناسبات

السلام عليكم جاراتي حلوة اللوز والشكلاط حلوة سهلة جدا في كيفية تحضيرها
والمقادير لي فيها والشكل ديالها البسيط جدا لي ممكن نحضروها ونقدموها على شكل
دواز اتاي اولا فالمناسبات والاعياد وجزيل الشكر للاخت كريمة لي
كتشارك معانا الوصفات ديالها الرائعة
نبداو بسم الله

حلوة اللوز والشكلاط

المقادير :

نصف رابعة زبدة
معلقة كبيرة نشا الذرة
60 غرام سكر صقيل
معلقة كبيرة زيت
كيس فلان شكلاط عادي
معلقة كبيرة شكلاط بودرة
معلقة صغيرة خميرة الحلوة
اصفر بيضة
الطحين حسب الخليط
للتزيين :
ابيض بيضة
لوز مهرمش
شكلاط اسود

طريقة التحضير :

كنديرو فاناء الزبدة تكون بدرجة حرارة المطبخ والنشا السكر صقيل
الزيت فلان ديال الشكلاط والكاكاو واصفر البيضة

ونخلطوهم مزيان حتى يوليو متجانسين مع
بعضهم ومنساوش قبصة ملح

وعاد نزيدو الطحين والخميرة

وغير نجمعوها مندلكوهاش ونبقاو نزيدو الطحين
حتى تولي عندنا عجينة رطبة

ومن بعد نديرو منها كويرات صغارين تقريبا فالقد ديال غريبة

وملي نكملو الكمية كاملة نديروهوم فابيض البيض

ونفندوهم فاللوز مهرمش

ونديرو الوسط ديالهم ثقبة ونستفوها فطاوة
مدهونة بالزيت ومرشوشة بالطحين

وندخلوها للفران يكون مسخن من قبل على درجة حرارة 180 اولا الا كان فران
ديال الغاز عندك جارتي الغالية غير سخنيه مزيان وهاد الحلوة مكتاخدش الوقت
بزاف فالطياب يعني مدة تتراوح مابين 10 تال 20 دقيقة ومن بعد نخرجوهم من
الفران ونخليوهم يبردو وندوبو الشكلاط فحمام مريم ونعمرو
بيه الثقب لي درنا الوسط

ونقدمو حلوة اللوز والشكلاط بالصحة و الراحة

متنساوناش من صالح دعائكم وايضا الاخت كريمة صاحبة
الوصفة وبالشفاء العاجل لاغلى الناس
في امان الله

اشترك بالنشرة البريدية للموقع

أدخلي ايميلك لتتوصلي بجديد الوصفات كل يوم

5 3
حلويات حلويات اللوز منوعات جاراتي

3 تعليقات

ترك تعليق