منشورة من طرف جارتي المديرة

طورطة بالتفاح والتيراميسو بالصور

طورطة بالتفاح والتيراميسو مذاق جد لذيذ و طريقة سهلة . الطورطة رائعة مذاقا ومنظرا ومفيدة بمنافع التفاح ان شاء الله تعجبك جارتي وتعجب الوليدات

طورطة بالتفاح والتيراميسو

هاد الطورطة ديال التفاح على طريقة التيراميسو هي مشاركة من uneirresistibleenviedesucre وان شاء الله تعجبك جارتي . وهذه وصفتين أخريتين للتيراميسو سبق ونشرتهما على الموقع الاولى هي ” التيراميسو بنكهتين مختلفتين من الكريمة بالصور ” والثانية “التيراميسو السهل بالصور

المقادير :

300 غرام بسكوي بلا كريمة
130 غرام زبدة
4 معالق كبار عسل

الحشوة :

4 تفاحات
2 معالق كبار سكر بني
250 غرام جبن مسكاربون Mascarpone
2 بيضات
2 ورقات جيلاتين
50 غرام سنيدة
معلقة كبيرة سكر صقيل
خنيشة سكر الفاني
معلقة كبيرة قهوة سريعة الذوبان

ملحوظة : مسكاربون هي جبنة إيطالية معروفة, طازجه وخاليه من القشدة وهي تمتاز بالتماسك والليونة, وبقليل من طعم البندق البارز بعض الشئ. تستخدم غالبا في تحضير التيراميسو . يمكنك تعويضها بجبن مشابه في حالة لم تجدي جبن مسكاربون

للتزيين :

كاكاو غبرة
حبات شكلاطة على شكل قهوة

طريقة التحضير :

كنطحنو بسكوي فمولينكس مع الزبدة دايبة و العسل

ونسرحو الخليط ديالنا فوق مول من اختيارك

انا ختاريتو مربع و مشنف وفوقو ورق سيلفيريزي

ونسرحوه بطريقة متساوية متكونش جهة عالية من الأخرى

ونغطيو حتى جناب ومن بعد ناخدو التفاح و نقشروه

ونقطعوه قطع صغيرة ونديروه يتعسل فمقلة مع السكر البني

ونخليوها على جنب ملي يولي لونها ذهبي

من بعد نديرو جيلاتين فالما بارد باش ترخا

وفي اناء نطربو بالطراب الكهربائي اصفر البيض والسنيدة و الفاني

وملي يطربو مزيان نزيدو عليهم جبن الماسكربون وفنفس الوقت حنا كنطربو

وفي اناء اخر نطربو ابيض البيض حتى يولي لينا بحال الثلج

ونبداو نزيدو بشوية بشوية على الخليط لي فيه الجبن

و نمزجوهم بمعلقة من الفوق للتحت بشوية باش ميخسرش لينا البيض

ونخليوه يرتاح وقت قليل بيلما جيلاتين بدا كيخدم المفعول ديالها

ونديرو التفاح فوق الطورطة ديالنا بالتساوي

وباستعمال جيب الحلواني لي درنا فيه الكريما ديالنا

نغطيو بيها الطورطة على شكل كويرات

ونرشو فوقها الكاكاو و كل كويرة نحطو فوقها حبة ديال الشكلاط

وأخيرا هاهي صور تقديم طورطة بالتفاح والتيراميسو

بالصحة و الراحة

اشترك بالنشرة البريدية للموقع

أدخلي ايميلك لتتوصلي بجديد الوصفات كل يوم

5 7
حلويات طورطات و حلويات الكريم

ترك تعليق