منشورة من طرف جارتي المديرة

كيش بالطون والفرماج احمر

كيش بالطون والفرماج احمر مع طريقة تحضير صلصة البيشاميل . الوصفة بالتفاصيل وأي تساؤل بامكانك تركه جارتي في تعليق وسنجيبكك في أقرب وقت ممكن

كيش بالطون

وصفة كيش بحشوة الطون (التونة) والجبن الأحمر مشاركة من الاخت سوسو sousou-culinaire 

مقادير العجين المورق:

رابعة دقيق
ملعقة صغيرة ملح
(mlالماء لجمع العجين (تقريبا 120
160غرام زبدة تكون فحرارة الغرفة (للتوريق)

الحشوة:

2 علب الطون
فرماج أحمر محكوك

صلصة البيشاميل:

ملعقة كبيرة زبدة
ملعقة كبيرة دقيق
كاس حليب
ملح و ابزار

طريقة العجينة:

نخلطو الطحين و الملح و نجمعوها بالماء، نديروها فبلاستيكة و نخليوها ترتاح نصف ساعة

من بعد، ناخدو العجينة و نسرحو ليها 4 الجوانب ديالها كيفما فالصورة و نخليو الوسط غليض،

نحطو الزبدة فالوسط و نثنيو عليها الجوانب بربعة،

نقلبو العجينة باش يجيو الثنيات التحت،

ندلكوها بالمدلك بشوية باش نشرو الزبدة وسط العجينة

و نديروها على شكل مستطيل و نثنيو العجين كيفما فالصورة،

نخليوها ترتاح لمدة 15 دقيقة و نعاودو ندلكوها بالمدلك و نديروها على شكل مستطيل و نثنيوها ثاني،

نخليوها ترتاح ثاني و نعاودو العملية 3 المرات، و ها هي العجينة المورقة ديالنا واجدة

نسرحو العجينة و نديروها فلي مول صغار، و نثقبوهم بالفورشيط

طريقة عمل صلصة البيشاميل:

نذوبو الزبدة و منين تدوب نزيدو الدقيق و نحركو مزيان و نضيفو الحليب مع مواصلة التحريك على نار مهيلة،

(نضاعفو المقادير الا بغينا كمية اكثر)

نتبلو بالملح و الابزار و نبقاو نحركوها فوق العافية حتا تختار شوية و نحيدوها من فوق البوطة

و نزيدو ليها الطون مقطع

نعمرو الطرطات الصغار بحشوة البيشاميل و نحكو فوقهم الفرماج احمر،

و ندخلوهم يطيبو فالفران حتا يحمارو مزيان،

ونقدمو كيش بالطون ديالنا بالصحة و الراحة

اشترك بالنشرة البريدية للموقع

أدخلي ايميلك لتتوصلي بجديد الوصفات كل يوم

5 4
معجنات وصفات البيتزا

4 تعليقات

ترك تعليق