منشورة من طرف جارتي المديرة

فطائر بحشوة الدجاج شهيوة من شهيوات رمضان

Favoriteأضيفي الوصفة لقائمة وصفاتك المفضّلة

السلام عليكم جاراتي الحبابات هاد المرة جبت ليكم شهيوة من شهيوات رمضان فطائر بحشوة الدجاج بنينة و سهلة التحضير و الشكل ديالها ايضا راقي وبمقادير متوفرة في كل بيت . فطائر بحشوة الدجاج أو بالاحرى بتي بان على شكل هلاليات معمرين بالدجاج

فطائر بحشوة الدجاج

نبداو بسم الله

المقادير :

300غرام دقيق
150 غرام قمح،
معلقة كبيرة خميرة الخبز
200 مليلتر حليب
60 غرام زبدة
قبصة ملح

مقادير الحشوة :

بصلة صغيرة
مطيشة كبيرة
ملعقة كبيرة صدر الدجاج مقطع مكعبات
ملح ابزار كمون تحميرة كاري
كاس ماء فرماج مثلث

للتزيين :

اصفر بيضة
حبة البركة او زنجلان
أو الزعتر مجفف

طريقة التحضير :

باش نحضرو فطائر بمكعبات الدجاج كنوجدو العجين هي الاولى كنديرو المقادير كاملة فقصرية

و كنجممعوها بالحليب دافي و فاتر ونبقاو ندلكو حتى تولي متجانسة ورطبة

ونخلوها تخمار ساعة

وفمقلة كنديرو البصلة مشلضة تشحر فالزيت ومطيشة مقطعة مكعبات

ونزيدو عليهم مكعبات الدجاج والملح و الابزار و الكمون و التحميرة و الكاري وكاس الماء

و نخليوهم يطيبو مزيان وملي ونشفوها من داك الما ونخليوها تاخد درجة حرارة المطبخ

ونديرو كريصات صغار ونطلقوهم بالدلاك

نصف ديال كل كريصة نشرطوه بموس

فطائر بحشوة الدجاج شهيوة من شهيوات رمضان

والنصف الاخر نديرو فوقو الحشوة و شوية الفرماج

فطائر بحشوة الدجاج شهيوة من شهيوات رمضان

ونلويوها ونكملو بحال هاكا حتى نكملو الكمية كاملة لي عندنا

فطائر بحشوة الدجاج شهيوة من شهيوات رمضان

نستفوهم فطاوة مدهونة بالزيت ونخليوهم يرتاحو لمدة 30 دقيقة و عاد ندهنوهم باصفر البيض

ونديرو فوقهم الزنجلان اولا حبة البركة اولا الزعتر مجفف

فطائر بحشوة الدجاج شهيوة من شهيوات رمضان

وندخلوهم الفران لمدة 30 دقيقة حتى يتحمرو مزيان

وهاهوما فطائر بحشوة الدجاج واجدين بالصحة و الراحة

فطائر بحشوة الدجاج شهيوة من شهيوات رمضان

كيتقدمو سخان ملاحظة هاد المقادير كيعطيونا 10 الفطائر 

فطائر بحشوة الدجاج شهيوة من شهيوات رمضان

فطائر بحشوة الدجاج شهيوة من شهيوات رمضان

متنساوناش من صالح دعاءكم

Source : delicesdetouslesjours

Favoriteأضيفي الوصفة لقائمة وصفاتك المفضّلة

5 3
شهيوات رمضان معجنات معجنات رمضان وصفات رمضان وصفات شهر رمضان 2014

تعليق واحد

ترك تعليق