منشورة من طرف جارتي المديرة

البقلاوة التركية من أختكم safa lwrida

سلام الله عليكن جاراتي، جديد وصفات الحلويات ووصفة البقلاوة التركية من الجارة الحبيبة صفاء الوريدة، المقادير والطريقة بالتفصيل هي كالتالي

البقلاوة التركية

مقادير البقلاوة التركية :

200غ ورقة من الأحسن تكون ديك اللي رقيقة
100غ كركاع مطحون
100 غ لوز
3/4 كاس عنبة زبدة
مقادير القطر بش نسقيوها
2 كيسان عنبة سكر
كاس عنبة ديال الماء
معلقة ديال صغير عصير حامضة

طريقة التحضير :

نوجدو القطر هو الاول بش يبرد لينا كنديرو سكر مع الماء فكسرونة فوق النار ونحركه حتي يدوب السكر

ونخليوه حتي يغلي من بعد نضيف عصير حامضة ونقصو ليه ونخليوه شي 10 دقائق ونحيدوه يبرد

ومن بعد نوجدو البقلاوة ديالنا

نجيب الورقة ديالي نحاول نقادها علي العبار ديال الطاوا اللي غنطيبها فيها ندهن الطاوى ديالي مزيان بالزبدة

من بعد نحط الورقة تقريبا 5 ديال ندهنهوم مزيان بالزبدة الورقات ونحط اللوز والكركاع

ويلا بغيتها تكون معلكة ندردر السكر ونحط عليه 5 ورقات خرين من فوق الكركاع واللوز ديالي

وندهن مزيان الورقات ديالي بزبدة مزيان هي راه كتبغي الزبدة مزيان

ومن بعد كنقطعها شكل معينات او مربعات ونخليوها واحد نصف ساعة عاد نسخن الفران

وندخلها الفران لمدة 20 دقيقة حتي تحمر ونخرجها ونكب عليها القطر ديالنا وبالصحة والراحة

صورة البقلاوة التركية المقترحة من الأخت صفاء

البقلاوة التركية

بالاضافة إلى أنه اللوز والركاكاع ميكونو مطحونين مزيان

وتقدرو تزوقها من جنب بالبيستاج مطحون ملي طيب وبالنسبة للقطر نقدر نسموه بماء الزهر

اشترك بالنشرة البريدية للموقع

أدخلي ايميلك لتتوصلي بجديد الوصفات كل يوم

4.5 13
حلويات حلويات اللوز حلويات المناسبات وصفات الجارات

13 تعليق

ترك تعليق