منشورة من طرف omhadil2

طريقة مصير معسل من ام هديل

Favoriteأضيفي الوصفة لقائمة وصفاتك المفضّلة

كنتمنى تعجبكوم وصفة تاعي هاد طريقة مصير معسل بطريقة مراكشية كيجي رائع

طريقة مصير معسل

نشد الحامض ونغسلو مزيان ونفلحو بحال زئد ماشي بزاف

ونجيب ملحة الحرشة ديك تاع ترقاد مديريش ملحة عادية

الى بغبتي يطلعليك مصير معسل وغزال ديريه بملحة الحرشة

حبوبها غلاض ياك وندخل تقيبا معلقة كبيرة فالحامض ونستف فقرعة تاع زاج او بلاستيك لي نتوفر عندك

ونتي كتكملي العملية وتزحميهوم متخاليش بينهو خوية ونتي كتزيريهوم وسدي قرعة

ولغد ليه فتحيها وزيدي شي حامضة تاني عليهوم غيكون هبط

وعصري عليهوم حامضة من فوق وسدي غبريه فشي بلاصة مفيهاش ضوء

بحال تحت بوطاجير او فبلاكار تاع الكوزينة وخاليه شي اسبوع وزيدي فيه تقريبا نصف كاس زيت العود

وقفليه نسايه حتى تشوفيه طاب وتعسل ومرة مرة ججبديه ودرجيه باش يتحرك مزيان فوق بوطاجير ورديه تاني تقريبا كل اسبوع حتى تشوفيه ولا معسل ودخل فيه طياب

الطريقة الاخرى حتى هوا كيجي معسل

كتشدي الحامض غسليه مزيان وحاطيه فوسط بانيو فيه لما وخاليه تقريبا يوم ربعة وعشرين ساعة هو فالماء 

ومين تفوت المدة لي قولتليك

كتشديه وقطريه وفلحيه بنفس الطريقة ونفس طريقة كيف الاول كيجي بحال لي فصورة

طريقة مصير معسل من ام هديل

طريقة مصير معسل من ام هديل

جارتكم أم هديل

Favoriteأضيفي الوصفة لقائمة وصفاتك المفضّلة

19
قسم الصلصات و الكريمات موسوعة جاراتي نصائح تخص المطبخ وصفات الجارات

19 تعليق

  • تبارك اللّٰه عليك كيبان زوين بزاف انا كنستعمل تقريبا نفس الطريقة غير هو كنغطس في الماء سخون بدل الماء البارد وكيجي نفس النتيجة شكرا بزاف اللّٰه يعطيك الصحة

  • salam om hadil kidayira ach khbarak 3ach man chafak ahbiba tehachtak bzaf ach khbarak mchiti l3and rajlak ola ba9i
    iwa 3ada ngolik tbarklah 3lik had tari9a kadirha nit lwalida ta3i o kayiji ghzal tbarklah 3lik o khlase alhadga dyalna

    • اهلا الحبيبة بشرى كيداية عسلامة غيبة طويلة حتى نا توحشتك كيداير وليدك ونتي لاباس عليك كيدايرة توركيا عندكوم شي برد ولا سخن الحال توحشت اسطمبول بزااااااااااااااااف سعداتك
      باقي مشيتش الحبيبة هو لي جا دوز معايا العيد لكبير ورجع نشاء الله قريب نمشي ونديرليكوم الزردة ههههه كيكبر توركي صغيور شوية بوسيه ليا لفنيكيش الله يخاليه ليك

  • السلام أحبيبة شخبار الأميرة هديل..أختي شكرا ليك و زيييييدي فيدينا راه سيدنا رمضان جاي و بغينا نحمر لوجه قدام لحباب…بغيت نسولك…فواحد التعليق كنت كاتبة مرات فرعون…واش راجلك ريفي؟ و واش كتعرفي سامية فرعون مزوجة و راجلها فأمريكا هي صديقة دالطفولة و سبحان الله كنحلم بيها دييييييما مع أني مشفتهاش مللي كانت عندي شي 20 عام و دب عندي 30…….

    • ربي يخاليك اختي ايمان كيبقيتي شوية ياك نتي لي كونتي ناعسة فلوبيتال ياك هههه لا احبيبة راجلي ماشي ريفي راجلي مصري وكنقولو فرعون

      • السلام أحبيبة أنا هي اللي كنت ناعسة فلكلينيك و لبارح عاد تفكيت و دفننا لوليد و ليوم جيت لداري…..أحبيبة أنا غي قريت فرعون و ضخت قلت أكيد ريفي إوا أحبيبة الله يتاويكم للخير سمحيلي و بوسيلي هديل..أماااااانة

        • على سلامتك الحبيبة نشاء الله يعوضك ربي عن قريب متقنطيش من رحمة الله دابا تهلاي فراسك باش تنوضي لدارك وراجلك
          حبيبة انا باقي مولدش غي نشاء الله غنسميها هديل هههه حتى نتجمع مع باباها بعدا ربي يخاليك الحبيبة

  • Tbarklah ala lhadga dualna brain ghaikon Benin
    Omli tji lamrica tb9ai dirih hit hna mkitba3 fih akhti obnsba lwr9a dlbestila ana kankhd dik liknst3ml lbriwat men lmahalt l3Arabia odik lknst3ml lbestila olbaklawa knakhdha men super market lwalmart li knt9daw mno hit dyal Walmart katkon r9i9a onchalh itserbaw like lwra9 otji 3nd rajlk otbr3ih bchhiwat hhhhh

    • بي يخاليك اختي صفاء نشاء الله
      اه سول فمحلات عربية ملقاهاش يمكن معرفهاش حت نمشي ونقلب عليها حيث كنستعملها بزاف فطياب تاعي ومع رمضان راكي عارفة شهيوات هههه واش كتهضري على ديك مدورة كتباع هنا فمرجان واسيما ياك ربي يخاليك الحبيبة واش شديتي جنسية ولا مزال عندك شي وليدات

  • رائع و غزال درتو بزاف دالمرات ولكن مكيطلعش معسل نجربو هاد الطريقة ان شا الله واخا مازال مطليت على هاداك ليصيبت بالطريقة لي دارت الاخت ماعقلت واش عائشة

    • ام كنان ربي يخاليك راه كيجيني معسل انا جربي طريقتي وتشوفي وردي عليا لخبار ولاكن ديريه ونسايه فبلاكار ههههه

      • ههههههههههه قتلتيني بالضحك و عجبتيني بزاف…الحلم و التفاؤل إوا أختي الله يفرح قلبك بهديل راه الأمومة هي أحلى إحساس فالعاااااااااالم و كلمة ماما ما تغلبها فالميزان حتى كلمة من غير كلمة الله و حبيبنا رسول الله.

ترك تعليق