منشورة من طرف omhadil2

دجاج محمر بحال تاع لعراسات طريقة ام هديل

Favoriteأضيفي الوصفة لقائمة وصفاتك المفضّلة

جديد وصفات الجارة أم هديل، دجاج محمر بحال تاع لعراسات بالشرح المفصّل لطريقتها الخاصة وإن شاء الله تستفدن منها جاراتي والصورة يظهر فيها تايشهي تبارك الله 

دجاج محمر بحال تاع لعراسات

بسم الله الجارات كنتمنى تعجبكوم طريقة تاع دجاج ديالي كيجي رائع لي كلاه كيحماق عليه بحال تاع لعراسات

انا دجاجي كنقيه بلمحة مزيان كنحيد كاع شمحة لي بين لفخاظ وكولشيكنقيه ومن بعد نغسلو ونحطو بانيو ونزيد عليه شوية تاع الملح وعصير الحامض ونخاليه شي نصف ساعة

ومن بعد نغسلو مزيان ونقطرو ونعصر عليه شوية تاع الحامض مع قطرات الخل ونخاليه ينشف ونحطو فكونجيلاطور ونمشي ندير تشرمولة تاعي ونشرملو ونبيت فيه تشرمولة حتى لصباح عاد كنطيبو كيجي بنين الى بغيتي يجيك دجاج زين

تشرمولة مقاديرها

كنشد بصلة صغيرة ونقرضها ونزيد عليها معدنوس شوية نقرضو وثومة وقلب لمصير نحيد منو جلوفة

شوية تاع الماء باش يطحن لينا فمولينيكس ونحط فطبسيل ونزيد عليهو خرقوم ملون وكركم وقعقلة وبسيبيسة

وشوية تاع سمن ملحة مدرتهاش بغيتي ديري كنور ممكن تاع البقري انا مدرتوش

الى بغيتي ديري متكتريش سمن وشوية تاع ماء تاع مصير حيث انا كنصاوبو فدار

لمصير كيجيني معسل درت شوية تاع ماء تاع مصير معسل لبزار سكنجبير وخلطت كولشي مزيان وشرملتهوم مزيان وبين لفخاظ لي شرملتها كنقعد رجليها بلخيط ونحطها ونحطهوم فثلاجة حتى لصباح

الطريقة دجاج محمر

فاش نبغي نطيبهوم كنديرهوم فكاميلة ونعفس على صدرهوم شوية او تقبي صدرها بلقطيب تاع شواية باش يدخل طياب فيهوم ونزيد عليهوم شوية شوية من توايبل لي درت قبل وشوية تاع سمن وربعة تاع بصلات مشلطين مزيان

ودرت لماء فطنجرة ودرت زيت من فوقهوم شوية تاع العادية وشوية تاع زيت العود وزعفران شعرة سخنتو وحكيتو وغطاية تاع طنجرة عوجتها باش ميطرطقش ليا دجاج

وخاليتو نصف ساعة تقريبا على كرشو وقلبو تاني على طهرو منين طاب حيدتو وجيبت ديك بصلة لي فطنجرة خويتها فشبكة وكنحكها حتى تحكات ورديتها طنجرة

ورميت فيها كبيدات وكنيصات وعنوقة كنت ديجا صالقاهوم فلما ونص حامضة وتوايبل لي درت غي قريصة من كل حاجة وخاليتهوم حتى طابو ولا مدغمر

ودجاج قليتو فزيت رشيت فيها ديجا لخل قطرات او ملحة غي شوية وصافي هههههههه

كيجاكوم نتمنى يعجبكوم هادي طريقتي فدجاج ولحامض لي زوقت بيه كنقطعو بهاد الشكل

ونزيد عليه شوية تاع المرق وشوية تاع سكر باش يطيب ويتعسل

هاهو دجاج محمر بحال تاع لعراسات على طريقة أم هديل

دجاج محمر بحال تاع لعراسات طريقة ام هديل

دجاج محمر بحال تاع لعراسات طريقة ام هديل

شي دعيوة
مرحبابيكم عندي

Favoriteأضيفي الوصفة لقائمة وصفاتك المفضّلة

4.5 41
أطباق الأعراس أطباق الدجاج قسم الطبخ والاطباق وصفات الجارات

41 تعليق

ترك تعليق