منشورة من طرف soukaina92

طريقة عمل الحريرة للمبتدئات بالمراحل

Favoriteأضيفي الوصفة لقائمة وصفاتك المفضّلة

السلام عليكم، وصفة الحريرة للمبتدئات هدي أول وصفها لها و تنتمنى تنال اعجابكم

الحريرة للمبتدئات

هاد الطريقة مضمونة 100 في 100 ان شاء الله ،

حيتاش حتى أنا جديدة في الطبخ،أو راجلي تيبغي الحريرة كل نهار،

ههه، و الصراحة ماكانتش تتجي زوينة و ملي جربت الطريقة اللي عطاتني مرات خويا

راجلي وللا تيحماق على الحريرة ديالي

بسم الله

المهم أنا تندير كوكوط ديال 3 لتر و كل وحدة غاديا دير قياسها حيت المهم هو الطريقة

غادي نحتاجو:

  العدس
الحمص
الشعرية رقيقة ( انا تندير قياس نص زلافة فيهم بثلاثة)
م ك كرافس
3 م ك قزبر و معدنوس
م ص سمن
م ك و نص مطيشة الحك
قطع اللحم الا توفروا
بصلة متوسطة مشلضة
3 مطيشات مقطعين و مسلوقين في قليل من الماء و مطحونين فملنكس
م ك زيت المائدة
ملح،ابزار،سكين جبير،خرقوم
ضامة البنة بقري

طريقة الحريرة للمبتدئات

المهم نوضعو البصل مشلض التوابل الكرافس قزبر و معدنوس،

م ك زيت، الحمص، 1 لتر من الماء طايب و نسدو كوكوط

و نخليوها تصفر لمدة 10 دقايق

في هاد الاثناء نسلقو العدس لمدة 6 دقايق في الماء حيت تيطلق الكحولة،

من بعد نحلو كوكوط و نديرو العدس،مطيشة،اللحم،

و نسدو كوكوط لمدة 10 دقايق،

نحلو كوكوط نزيدو الماء الا كان خاص

نديرو ضامة البنة و مطيشة الحك،

و باش تندورو الحريرة نسيت ما كتبتها في الاول سمحولي

( 2 كيسان ديال الما و 4 م ك فورص نعصرو عليهم شوية الحامض، انا تنصيبها قبل بنهار)

تندورو بيها الحريرة، مع التحراك بطريقة دائرية في جهة واحدة،

لازم تتبخ مزيان حتى ماتبقاش فيها الكشكوشة هاكا تنعرفوها طابت،

عاد تنضيفو الشعرية مين طيب نديرو م ص سمن و ندوقو الا كان لازم الملح نزيدو،

عاد نضيفو م ك قزبر و معدنوس، و بالصحة و الراحة.

الحريرة للمبتدئات

هاد الطريقة طويلة شوية ولايني تستاهل ،

نتمنى تجربوها و تعجبكم، و ردوا عليا لخبار 

Favoriteأضيفي الوصفة لقائمة وصفاتك المفضّلة

5 22
حساء وشوربات رمضان شوربات وصفات رمضان

22 تعليق

ترك تعليق