منشورة من طرف om akram

بسطيلة بالدجاج للعراضات و الضياف كتجي رائعة

السلام عليكم جارتي بسطيلة بالدجاج جايين عندك الضياف
اولا دايرة شي عراضة و باغا ديري شي حاجة لي تحمر ليك
وجهك مع ضيافك 

بسطيلة بالدجاج

نبداو بسم الله

مقادير البسطيلة بالدجاج :

دجاجة
500 غرام ورقة البسطيلة
500 غرام لوز
8 البيضات
150 غرام زبدة
قزبر مقطع
ملح
زعفران
قرفة
زيت
750غرام بصلة
للتزيين:
اللوز مقلي 
سكر كلاصي 
القرفة


طريقة تحضير البسطيلة بالدجاج :

فكوكوت كندير الدجاجة و الملح و القزبر
مقطع و البصلة مقطعة و القرفة و الزعفران
و الزبدة و نديرو كاس ديال الما و نخليوه
يطيب لمدة 30 دقيقة
كنسلقو اللوز ونقشروه و نسلقوه ونطحنوه


كنشدو من بعد الدجاجة ملي تكون طابت
ونبشو اللحم يولي طريفات صغار

نزيدو السكر و القرفة على اللحم


هاديك المرقة لي بقات ديال الدجاج نزيدو عليها
البيض و معلقة ديال الزبدة

ونبقاو نحركو
لمدة 15 دقيقة والعافية تكون مهيلة
كنجيبو طبسيل ديال الفران وكندهنوه بالزبدة كنديرو
فيه 4 الورقات ديال بسطيلة وحدة الوسط و لاخرين
فجناب يكونو مدهونين بالزبدة


كنديرو فوقهم البيض لي طيبناه فالمرقة
ونغطيوه بورقة ديال البسطيلة

وكنديرو الدجاج ونغطيوه بالورقة

ومن بعد نديرو اللوز

و نغطيوه بجوج وراق
ومن ممكن تعاودي طبقات اخرين الا بغيتي ديريها
عالية والا كان هاكا عاجبك كنجمعو جناب ديال الورقة
ونلصقوهم بالبيض وندهنو الوجه ديالها بالبيض

ودخلوها طيب في فران سخون مزيان تحمار ونخرجوها

وهاهيا بالصحة و الراحة جارتي العزيزة كنتمنى تجربيها

 

هذه الوصفة هي للأخت فاطمة مشكورة 

وهذه مدونتها : 

fatimato-cuisine.over-blog.com

اشترك بالنشرة البريدية للموقع

أدخلي ايميلك لتتوصلي بجديد الوصفات كل يوم

9
أطباق الأعراس أطباق الدجاج أطباق تقليدية أطباق صيفية أطباق مميزة المواضيع المثبثة قسم أطباق رئيسية مغربية قسم البسطيلة والبريوات قسم الطبخ والاطباق وصفات سهلة وصفات مثالية للعشاء وصفات مجربة 100%

9 تعليقات

ترك تعليق