منشورة من طرف om akram

حلوة الشهر بالتمر للاعياد و المناسبات

Favoriteأضيفي الوصفة لقائمة وصفاتك المفضّلة

السلام عليكم جاراتي حلوة الشهر بالتمر
كتعجبني هاد الحلوة بزاف كتجي رائعة و بغيت
نشاركها معاكم ومنكرهش تجربوها وتعطيوني
رأي ديالكم كتجي رائعة و تحمر ليك
وجهك مع ضيافك

حلوة الشهر بالتمر

نبداو بسم الله

مقادير حلوة الشهر بالتمر  :

الحشوة :
500 غرام تمر
معلقة صغيرة قرفة
معلقة صغيرة زبدة
معلقة كبيرة ماء الزهر
مقادير العجين :
500 غرام طحين
2 معالق كبار سكر صقيل
250 غرام زبدة
ياغورت بمذاق الفانيلا
ابيض البيض
للتزيين :
سكر كلاصي

حلوة الشهر بالتمر للاعياد و المناسبات
طريقة تحضير حلوة الشهر بالتمر :

طريقة تحضير العجين :
كنخلطو الطحين و سكر صقيل و الزبدة و ا
لياغورت و ونطلكوها حتى تولي متجانسة و رطبة

حلوة الشهر بالتمر للاعياد و المناسبات

طريقة تحضير الحشوة :
نغسلو التمر نحيدو ليه العظم ونبخروه لمدة 20
دقيقة ومن بعد نزيدو القرفة و الزبدة و الجنجلان
و ماء الزهر ونعجنوه مزيان تيولي عجينة متماسكة. 

من بعد كنسرحو العجينة فوق طبلة بدلاك ونقطعو
دوائر بكاس او مقطع او جبانة وندهنو جناب بابيض
البيض ونديرو كويرات من عجينة التمر ونديروهوم الوسط

حلوة الشهر بالتمر للاعياد و المناسبات

كنلصقو العجينة

حلوة الشهر بالتمر للاعياد و المناسبات

وكنحطوها فوق طاوة مدهونة بالزيت و مرشوشة بالطحين
وكنتقبوها بفرشيطة

حلوة الشهر بالتمر للاعياد و المناسبات

وكنديروها فالفران يكون سخون مزيان لمدة 15 تال 20 دقيقة
من بعد ما خرجناها نمرمدوها فسكر كلاصي

حلوة الشهر بالتمر للاعياد و المناسبات
هاهيا بالصحة و العافية جارتي الكريمة

حلوة الشهر بالتمر للاعياد و المناسبات

Favoriteأضيفي الوصفة لقائمة وصفاتك المفضّلة

3.5 3
أطباق تقليدية المواضيع المثبثة حلويات حلويات العيد حلويات المناسبات حلويات دواز أتاي قسم حلويات مغربية وصفات سهلة وصفات مجربة 100%

3 تعليقات

ترك تعليق