كيك رولي

كيك رولي من ألذ مايكون بالصور والمراحل 38

السلام عليكم ورحمة الله و بركاته، تحية كبيرة من قلبي لكل الجارات و لكل المشرفين إلى هذا الموقع الرااقي بامتياز اليوم سأقدم لكم طريقة عمل كيك رولي بالصور والمراحل خطوة بخطوة

كيك رولي

طريقة تحضير كيك رولي ببساطة و بدون صعوبات وان شاء الله تعجبكم وتجربوها

نبداو على بركة الله

مقادير الجنواز:

4بيضات
كاس و نصف سنيدة
كاس و نصف دقيق
فاني
1خميرة الحلوى
قبصة ملح

طريقة التحضير :

نطرب البيض و السكر والفاني تايضاعف الحجم

ثم نمزج الملح والدقيق و الخميرة ونبقا نضيفهوم بالتدريج مع التحريك من الاسفل للاعلى .

ناخد اللاطة ديال الفرن نعمل فيها ورق الزبدة و ندهنو بشوية ديال الزيت او الزبدة و نخوي فيه العجين

ندخل الجينواز لفرن مسخن من قبل حوالي 180 درجة و الوقت كايختالف من فرن لفرن
ملي تكون كاطيب نوجد الحشوة .

انا عملت الكاكاو حوالي معلقة كبيرة مع ياغورت طبيعي و معلقة سكر بودرة

و عملتهوم شوية فوق النار و علملتهوم فالمجمد يشدو راسهوم

و كانحصل على هاذ النتيجة خليط كريمي راااااائع

ملي طيب ليا الجنواز نحيدها من اللاطة و نخليها ف الورق ديالها نعملها مباشرة ف منديل مبلل بشوية د الماء و نلويها ونخليها تبرد شوية

من بعد 10 دقائق نزولها من المنديل م نبسط عليها ديك الحشوة لي عملت جيدا

و نبدا نلفها على راسها و فنفس الوقت نبقى نزول داك الورق لي فيها بهاد الشكل

ونحطها فطبق التقديم و نزينها حسب الرغبة انا زينتها ب الكونفتير ديال التوت مع شوية ديال الكوكو و الشكلاط فيرميسيل

وهاهيا النتيجة النهائية ديال كيك رولي بالصحة و الراحة

شي دعيوة ♥♥

38 Comments

  1. شكرا اللّٰه يعطيك الصحة

    1. العفو . مرحبا اختي ام يحيى شرفتينا بتعليقك 😉

  2. تبارك الله عليكي مبدعة باينة فيها لذيذة الله يعطيكي الصحة .

    1. الله يبارك فيك اختي بالصحة 😉

  3. salam jide momtaza ghadi ndirha ila ktabe bi idni allah

    1. ان شاء الله تجربيها و تعجبك اختي صليحة بالصحة و الراحة مسبقا ♥ 😉

    2. ???????????????????????????

  4. هاهي جات اجابت لينا الجديد و هادشي كيشهي يا للالة مولاتي بالصحة

    1. الله يبارك فيكي اختي و يطول بعمرك ♥ 😉

  5. farakalaho fik akhti bghit nsawlak ach mal kas wach kas sghir wala kas kbir dyal 9ahwa chokran

    1. مرحبا اختي نجاة انا ديما ف الوصفات كاملين كانعبر بكاس العنبة و نتمنى نكون قد افدتك شكرا على تعليقك ♥

  6. شكرا اختي ان شاءالله نجربها عجباتني

    1. ان شاء الله اختي امينة ديما منورة بتعليقاتك ان شاء الله تجربيها و تعجبك 😉

  7. lah i3tik lkher azin

    1. بارك الله و فيك حبيبة ديالي كايفرحوني التعليقات ديالك 😀

  8. الله اعطيك الصحه علا هاد الوصفه اختي بالنسبه اللي معندوش ورقه الزبده واس ندهن غالاطه ونحط الخليط ولا سنو ندير ؟؟ شكرا

    1. اهلا اختي شكرا على تعليقك ، بالنسبة للتساؤل ديالك انا اختي كانفضل يكون ورقة الزبدة . علاش ؟؟
      انا غنقولك ، دابا حنا ملي نخرجو الجنواز من الفرن مباشرة خصنا نعملوها ف منديل مبلل بشوية الماء باش تاخد شكل الملفوف حيت الا برد الجنواز غايتكسر . و ثاني حاجة الا عملناها مثلا ف اللاطة فكلنا كانعرفو بلي خصنا نتسناو شوية باش يلاه نزولوها حيت الا زولناهارو هي سخونة تقدر تلصق لينا . فمن الاحسن اختي الكريمة نعملو ورق الزبدة حيت كايسهل علينا اوكي . نتمنى نكون افدتك و لاي تساؤل اخر انا رهن الاشارة . وراه الورق متوفر غير ف المحلات ديال المواد الغدائية كانضن ب 20 سنتيم.

      1. akhti dyali ana mlli kandiro b3d lmrrat kaytlassa9 lya

        1. wech kat9ssdi lware9 dyal zabda kaylssa9 liki

          1. oui hbiba

          2. Oui dahni yimmah mzyan men rass tal rajlin hhh tamayb9a yban lih atar hh dafnih b zabda hhh

          3. الله احفضك وينجك وينجحك و يخليك لينا

          4. مرحبا احبببة امين يارب الاه يخليكي تا نتيا ديما منورا انا سيمانا جاية ان شاء الله غانشد الكار لاكادير. 🙂

          5. كوني على علم ا اختي ام كنان انا راه رغم انني واضعة ورق الزبدة لكن راه دهنتو بشوية الزبدة غير احتياط فهمتي حيث كاين فيهم المزيان و كاين “فالسو” ههه كانقصد مزور فهمتي اختي انا ماعنديش النوع الجيد فدهنتو بالزبدة

          6. ya3ni ana 3ndi falsoo alors ndhn yimmah b zobda chokran hbiba

  9. الله يعطيك الصحة باينة غير من شوفة غزالة وزادها جمال بشرح ديالك الحبيبة

    1. شكرا احبيبة تشرفت بتعليقك الراقي شكرا والله يبارك فيكي اختي نورتينا بكلامك الجميل ♥

  10. Jazaki lago khayran ya okhtiiiii

    1. Slm okht sara choukrane w 2iyaki khyra ljazae ♥

  11. Salam okhtie ana kont ktabt liki wahd commetaire w lyouma bghet ngolik bli ana jarabtha lbarehhh w jat fennnnnna yami kthame9 choukrane bzaaff liki vraiment trés déliçieux chhal wa kan9eleb 3leha w l9itha btari9a mobasata w najiha w bsoowar lah yhafdak lina akhtie . Autre fois merci beaucoup .

    1. مرحبا بالاخت كريمة شكرا بزاف ليك ومرحبا بيك .:-)

  12. Wahd lhaja mohima lakhawat ana randifha gher mojarad fikra li bghat ta3mlha dima fech nkono tantarbou lbid 3la hssab la jinoize nhawlou yla mabghach yatla3 lina mezyan w ytda3eff lhajm dyalou ana kansta3en b hamam maryem katkhdi che jira w la chehaja kat3mli fiha lma skhoun w dirou fo9ha dak l2inae fech kattarbou lbid rah taytlaaaaaaaaa3 mezyan wkay3ti natija momtaaazzza ..

  13. الله اعطيك الصحة ولي ماعندوش الطراب أش يدير

    أم البنات
    1. اختي ضروري الطراب حيث كلنا كانعرفة انه يلا بغيتي تطلع ليم الجنواز خاصك تطربي البيض حتى يتضاعف الحجم ديالو . انا كنت تانعاني من هااد المشكل و قررت نشريه راه كاينين باثمنة مناسبة .

    2. اختي ضروري الطراب حيث كلنا كانعرفو انه يلا بغيتي تطلع ليك الجنواز خاصك تطربي البيض حتى يتضاعف الحجم ديالو . انا كنت تانعاني من هااد المشكل و قررت نشريه راه كاينين باثمنة مناسبة . 😀

  14. salam chokrane 3la hade al wasfa chokrane jazilane

    1. العفو اختي بالصحةو الراااحة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *