السلام عليكم جاراتي كريب باللوز و الشوكولاتة
وصفة ممكن ان تعديها في الفطور او اللمجة وللضيوف
لانها لذيذة و مقدمة بشكل راقي ويحبها الجميع
نبداو بسم الله
مقادير كريب باللوز و الشوكولاتة :
مقادير العجين:
3 كيسان دقيق
نصف لتر حليب
2 بيضات
1 فاني
2 معالق كبار سنيدة
4 معالق كبار زبدة دايبة
الملح
قشرة حامضة محكوكة
للتزيين :
شكلاط دايب
اللوز مقلي و مهرمش
طريقة تحضير كريب باللوز و الشوكولاتة :
كنبداو بتحضير العجينة فخلاط كهربائي كنديرو الحليب
البيض 2 معالق زبدة دايبة السنيدة و الملح فاني
ونخلطو من بعد كنزيدو الدقيق كنخلطوه مزيان
و نخليوه يرتاح 30 دقيقة
ونزيدو عليهم 2 معالق زبدة دايبة ونحركو
و نبداو نطيبو في مقلة ديال البغرير نهزو نصف مغرفة
ونخليو ديك العجينة تسرح فالقاع ديال المقلة كامل ونبدا
و نطيبو من جناب بجوج
و الان ندوزو لمرحلة تزيين و تقديم كريب باللوز و الشوكولاتة
ندهنو كريب بالشكلاط و نرشوها باللوز
ونديروهوم على شكل مثلث ونحوطوهم فطبق التقديم
بالصحة و العافية هاهوا كريب باللوز و الشوكولاتة.
بالنسبة لطريقة عمل عجينة الكريب فأنصحك بهذه الوصفة : أحسن طريقة لعمل عجينة الكريب
. lah ykhalik bach kadiri hadouk lakhtout dyal choclat
دوبي الشكلاط و ديريه في بلاستيكة و تقبيها من القنت غير تقبة صغيرة و بداي تخططي
السلام وعليكم أنا أم رضي من أمريكا أنا جديدة معاكوم حابة نستافد منكوم وتستافدو مني بالنسبة الأخت اللي عطاطنا وصفت كريب تسلم الأيادي بارك الله فيك
وعليك السلام اختي ام رضى شكرا ومرحبا بيك معانا
lah i3tik sa7a akhti
ياربي امين حنا و نت
lala ach men kasse n3abrou bih wach dyal 3anba ?
نعم اختي سامية كاس العنبة
السلام وعليكم جارتي لعزيزة أنا واخا بعيدة من المغرب ولاكين البنة والمذاق ديال الطياب المغربي متلقايهش حتي فشي بلاصة تبارك الله علي المغربيات الحادgات : أنا حابة نشاركوم بوصفاتي ولاكين معرفاش فينا موقع نتواصل بالجارات وشوفو وصفاتي
للتواصل مع الجارات ومشاركة الوصفات والدردشة … تفضلي بالدخول على موقع مشاركة جاراتي
من هنا : http://www.mocharaka.com/
موقع ممتاز ذو مواضيع مفيدة
السلام وعليكم حاولت ندخل موقع الدردشة مع الجارات ولاكين معرفاش شنو ندير حيت كيتطلب مني ندخل ( إسم المستخدم ) ونا معرفاش شنو ندير عاونوني بغيت نكون جارا معاكوم
تبارك الله عليكم اختي ربي يحفضكم هاد الموقع راااااااااااائع اوهاد الوصفة غدي نجربها انشاء الله وضمنا غدي تنجح اوالفضل ديلكم تعلمنا منكم الكتييييييير اوشكرا
العفو حبيبة نحن في الخدمة