سيكار بالدجاج والفرماج

سيكار بالدجاج والفرماج وكاشير من الجارة أم هديل 2

كيدايرين جاراتي لاباس عليكم بالصحة فطوركوم

جبتليكوم واحد شهيوة تاعي كنتمنى تعجبكوم وتعجب جارتي

 سيكار بالدجاج والفرماج وكاشير  كيجيو بنان

سيكار بالدجاج والفرماج

مقادير وطريقة عمل السيكار

نشلظ بصلة مع شوية تاع زيت ومليحة وبزار

غي شوية وخرقوم بلدي حتى تشحر

منين تشحرر مزيان نزيد عليها دجاج مقطع مزيان شكل صغير قطعتو بالمقص

ونزيد شوية تاع تحميرة ولبزار والمعدنوس مقرض

منين يطيب مزيان نقطرو مزيان

ونزيد عليه فرمسيل مصلوقة ومقطرة ومقطعة بمقص قطع صغيرة

وكاشير محكوك وجوج كيريات مقطعين طريفات او فرماج عادي

ونزيد نحكك عليه فرماج

ونخلط كولشي ونزيد عليهوم زعتيرة او زعتر بهال هاد الشكل

ونحشيو الحشو على شكل سيكار وندهنو طاوة بالزبدة

ونستفو سيكار فطاوة وندهنوهوم بالبيض بحال هاد الشكل

منين يطيبو ويتحمرو نخرجوهوم ونحكو عليهوم فرماج

وندخلهوم الفرن تاني باش يسيح الفرماج

وهاهوما سيجار  بالدجاج والفرماج وكاشير منين خرجناهوم من الفرن

بالصحة والراحة كنتمنى ليكوم رمضان كريم وتجربوها راه بنينة

كيجيو رائعين وبنان

اوى كيجاتكوم شهيوتي يا الجارات لعزازات

جارتكم أم هديل

[author image=”https://lh6.googleusercontent.com/-J4AN6ByawQs/U8K1f0ugrSI/AAAAAAAAQ94/V7GCBD85yPw/s200/jara.png” ]الجارة أم هديل[/author]

2 Comments

  1. Ghi Man chofa bayna ldad lah ya3ti saha

  2. ربي يخاليك الحبيبة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *