حرشة صحية بالبلبولة و دقيق الشعير

حرشة صحية بالبلبولة و دقيق الشعير 8

السلام عليكم ورحمة الله وبركاته جبت ليكم اليوم حرشة صحية

بالبلبولة و دقيق الشعير تتجي لذيذة. نتمنى تجربوها وتعجبكم 

حرشة صحية بالبلبولة و دقيق الشعير

مقادير حرشة صحية بالبلبولة و دقيق الشعير 

2 كيسان بلبولة شعير غليضة مرطبة فالماء طايب 4 ساعات أو ليلة كاملة.
1 كاس دقيق الشعير.
1كاس سميدة رقيقة.
2 معالق كبار زيت الزيتون.
1 خمارة حمرا (7غ).
1 معلقة صغيرة خميرة لخبز.
ملح حسب الذوق.

طريقة تحضير حرشة صحية بالبلبولة و دقيق الشعير 

نخلط دقيق الشعير والسميدة الرقيقة مع الملح ونبسسهم

بزيت الزيتون. ثم نزيد عليهم خمارة حمرا.

ندوب خميرة الخبز فشوية الماء دافئ ونخلطها مع لبلبولة.

نخلط الكل مع بعض ونخليها ترتاح نصف ساعة.

نذهن مول أو مقلة ثقيلة بزيت الزيتون ونرش عليه لبلبولة.

نحط الخليط فالمول ونقادو مزيان.

وندخلها للفرن معتدل الحرارة 30 دقيقة حتى تتحمر مزيان.

وهاهي واجدة بالصحة والراحة.

فعلا لذيذة. قدمتها فالفطور.

8 Comments

  1. CHOKRAN BZAF RADI NJABHA AKID

  2. كنت كنقلب عليها و فعلا رائعة ربي يخليك اجرتي العزيزة

  3. lah ye3tik sa7a khti . 3afak wech ch3ir howa nit balboula ola ch3ir bo7do o belboula bo7adha ?

    1. الشعير كنخرجو منو البلبولة و الدقيق يعني هو هو

  4. اللّٰه يعطيك الصحة غادا تكون لذيذة

  5. chokran 3la had lwasfa lah ikhlik wach lfran nch3loh mlfo9 ola hta itib ltht et merci

  6. عافاك اختي بغيت نجربها و لكن معنديش دقيق شعير واش ممكن نستغنى عليه

  7. Merci beaucoup pour la recette c’est un délice et bonne et heureuse année 2023

    Ait abdelmalek Linda

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *