السلام عليكم جاراتي الحبابات اش خباركم ؟ بريوات بالبيبي و القيمرون
وصفة اليوم رائعة كتجي بنينة ومقرمشة و بطريقة جد سهلة لجميع الجارات
ممكن توجديه وتقدميه كطبق رئيسي او مقبلات مرافقة للطبق الرئيسي
ملي يكونو عندك شي عراضة تحمر ليك وجهك مع ضيافك و ناسك ومقادير
متوفرة
نبداو بسم الله
مقادير بريوات بالبيبي و القيمرون :
نصف كيلو قيمرون
نصف كيلو بيبي
رابعة شعرية صينية
بصلة مشلضة
ربيع مقطع
هريسة
كيلو ورقة بسطيلة
2 بيضات
ملح
ابزار
ضامة البنة
200 غرام زبدة
خرقوم
زيت المائدة
الزبدة
طريقة تحضير بريوات بالبيبي و القيمرون :
فمقلة كنديرو معلقة ديال الزبدة
ونديرو البصلة المشلضة تشحر ونزيدو عليها الربيع مقطع
والملح و الابزار و البيبي ونخليوه يطيب
وفمقلة اخرى كنديرو معلقة ديال الزبدة و البصلة مشلضة
و نضيفو ليها القيمرون و الربيع مقطع و الملح و الابزار وضامة
البنة
و نخليوه من 5 تال 10 دقايق مكيحتاجش القيمرون بزاف
ديال الطياب
فاناء كنديرو الشعرية الصينية ونكوبو عليها الما سخون
ونخليوها واحد 10 دقايق ومن بعد نصفيوها نقطعوها
و نديروها فمقلة فيها الزبدة
و الخرقوم والملح و الابزار ونخليوها حتى تنشف
وفزلافة كنجمعو القيمرون و لحم البيبي و الشعرية الصينية
ونخلطو كلشي ونكونو قطعنا الورقة ديال البسطيلة
و داهنينها بالزبدة وناخدو معلقة كبيرة من الخليط ونديروها
فالورقة ونلويوها ونديروها على شكل بريوات
او سيكار
ونجمعوها بالبيض
ونستفوهم فطاوة مدهونة بالزيت
وندهنو البريوات يالزبدة و البيض لي كان متوفر عندك فالبيت
جارتي وندخلوهم يطيبو فالفران
ونقدموهم بالصحة و الراحة
كنتمنى تجربوهم متنساوناش من صالح دعائكم
briwat zwini ana kaya3jbouni flfran ou kol wahid kikay3ajboh
lah i3tik saha
lah ya3tik sa7a bit naswlak akhti lah yjazik bikhir ana makayt7amroch liya kamlhom b7akima jaw fasora makan3ya mandir owalo kayjiw b7al la makwiyin ya3ni jiha m7amra ojiha la ochokran
شكرا بغيت واحدالاستفسار علاش منين كنديرهم مكيجونيش محمرين كاملهم بحال اللي فالصورة
السلام عليكم تبرك الله عليك وصفة لبريوات زوينة ولديدة الله يعطيك الصحة
واو تباركلاه عليك جربتها جات زوينة دار كلها عجباتها شكرا
Oui cette recete tres chic mmmmmmmm waw dsl hbiba bghit nsawlak pliz hta ana makaythamroch lia bzaf lbriwat chiha ah o jiha nn bhal l2okht om yahya jawbina lah ijazik bl khir o tolt la3mar amin
L2okht zahirati fima kanmchi kanl9ak b1 tbarkalah 3lik tres bien rr bghit nadhak m3ak bizo dsl a zin