بان كيك بالشكلاط

بان كيك بالشكلاط لذيذ جدا وخفيف على المعدة بالطريقة و الصور Leave a comment

السلام عليكم جاراتي اش خباركم ؟؟
اشنو رايك نجربو نوع جديد ديال بان كيك ؟
بان كيك بالشكلاط و البرتقال وصفة جد رائعة
صحية خفيفة على المعدة و سهلة
 التحضير بحال كطيبي فالكريب فعلا وصفة
جد رائعة تقدميها للضياف و لوليدات الصغار
فوجبة الفطور واللمجة

بان كيك بالشكلاط

نبداو بسم الله :

مقادير بان كيك بالشكلاط :

150 غرام دقيق 
معلقة صغيرة خميرة الحلوة 
كاس الا ربع حليب 
قليل من الملح 
نصف معلقة صغيرة بيكربونات الصودا 
5معالق كبار زيت 
بيضة كبيرة 
معلقة صغيرة قشرة برتقالة محكوكة 
2 معالق كبار عصير البرتقال 
الشكلاط حبيبات صغار 

طريقة تحضير بان كيك بالشكلاط :

في اناء كنخلطو الدقيق و الخميرة و بيكربونات الصوديوم
و الملح و الزيت و البيض وقشرة البرتقال و عصير البرتقال
والحليب

و نخلطو مزيان بالطراب اليدوي حتى يولي عندنا
خليط متجانس

ونديرو مقلة تسخن وندهنوها بقطنة
فيها الزبدة دايبة مخلطة فيها السنيدة ونكوبو العجينة فالمقلة
و نرشو الشكلاط من الفوق

و ملي نلقاوها طابت نقلبوها على وجها طيب

ونحيدوها وهاهيا بالصحة و الراحة بان كيك بالشكلاط

كنتمنا تجربوها 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *