منشورة من طرف جارتي المديرة

طريقة تحضير عجينة الكيش واقتراح حشوة جد لذيذة

Favoriteأضيفي الوصفة لقائمة وصفاتك المفضّلة

السلام عليكم جاراتي الغزالات عجينة الكيش مكتنجحش
لينا ديما وكل واحد وطريقة التحضير لي كيستعملها باش
تخرج ليه هشة و كذوب فالفم ان شاء الله تعجبكم هاد
الطريقة و تبقاو ديما ديروها وتفرحو بيها وليداتكم و تقدرو
تحطوهم كاطباق مرافقة ملي تكون شي مناسبة اولا ملي يكونو
عندكم الضياف وتا الشكل ديالها صغير الحجم وجميل جدا
نبداو بسم الله

عجينة الكيش

المقادير :

مقادير العجين :
رابعة طحين ابيض
نصف رابعة زبدة بدرجة حرارة المطبخ
اصفر بيضة
القليل من الملح
معلقة صغيرة خميرة الحلوة
القليل من سكر سنيدة
الماء من 2 تال 3 معالق كبار ويكون ماء بارد من الثلاجة

طريقة تحضير عجينة الكيش واقتراح حشوة جد لذيذة

الحشوة (اختيارية ):
طماطم
بصل
فطر ماكول معلب او طري
فلفل اخضر
قيمرون
قزبر
التوابل
بيضة كاملة واصفر بيضة
2 معالق كبار قشدة طرية او
ياغورت طبيعي حسب المتوفر

120 مليليتر حليب
ملح
ابزار

طريقة تحضير عجينة الكيش واقتراح حشوة جد لذيذة

طريقة تحضير عجينة الكيش وكيفية تقديمه بشكل راقي:

نخدمو عجينة الكيش هي الاولى فقصرية
كنديرو الطحين و الزبدة

طريقة تحضير عجينة الكيش واقتراح حشوة جد لذيذة

ونخليو الزبدة تخلط مع الطحين بلاما نعجنوها
وحنا كنبسبسو فيهم و ملي يتخلطو مع بعضياتهم نزيدو
السكر و الخميرة واصفر البيض

طريقة تحضير عجينة الكيش واقتراح حشوة جد لذيذة

ونخلطوهم ونجمعوها بالماء البارد نجمعوها

طريقة تحضير عجينة الكيش واقتراح حشوة جد لذيذة

بلاما ندلكوها بالمرة غتجيك غريبة وبالخصوص الحادكات وليني ملي
كنديروها فالثلاجة من بعد المدة ديال 6 سوايع او اكثر ملي كتبغي
طلقي بالمدلك كتكون هي هاديك تقدري توجديها حتى يوماين اولا ث
لاثة ايام قبل ماتخافيش منها وليني مديريش فيها اصفر البيض وتقدري
تزيدي فيها اعشاب منسمة بحال الزعتر اولا لي كان عندك او تقدري
تزيدي حتى الفرماج مجكوك

طريقة تحضير عجينة الكيش واقتراح حشوة جد لذيذة

ونوجدو الحشوة انا درت هادي اختيارية شحرت البصلة
مقطعة مكعبات و زدت عليها الفلفلة حتى هي مكعبات وملي
ترخاو زدت عليهم مطيشة و الفطر وشوية الملح و الابزار و من
الاحسن قدما كانت المح قليلة احسن باش دوقي الطعم ديال
المكونات كاملة وتستمتعي بيها وفالاخير نزيدو القيمرون حكاش
مكيبغيش طياب بزاف وملي طيب نخليوها على جنب تبرد شوية

طريقة تحضير عجينة الكيش واقتراح حشوة جد لذيذة

ومن بعد فزلافة نخلطو البيض و القشدة الطرية او اليوغورت على
حساب لي عندنا و الملح و الابزار

طريقة تحضير عجينة الكيش واقتراح حشوة جد لذيذة

و نطربوهم عاد نبداو نزيدو فالحليب
وحنا كنطربو حتى يولي خليط متجانس

طريقة تحضير عجينة الكيش واقتراح حشوة جد لذيذة

ومن بعد نجبدو العجينة تاخد درجة حرارة المطبخ

طريقة تحضير عجينة الكيش واقتراح حشوة جد لذيذة

ونطلقوها بالدلاك فوق سطح مرشوش بالطحين مزيان
ونقطعوها بمقطع صغير انا خذيت على شكل وردة

طريقة تحضير عجينة الكيش واقتراح حشوة جد لذيذة

ملي نكملو العجينة ديالنا كاملة نستفوها فمول
يكون ديال الكاب كيك باش يعطينا
هاد الشكل لي بحال فالصور

طريقة تحضير عجينة الكيش واقتراح حشوة جد لذيذة

وملي نكملو الكمية ديال العجينة كاملة لي عندنا نستفوها فالمول

طريقة تحضير عجينة الكيش واقتراح حشوة جد لذيذة

نعمرو عجينة الكيش بالحشوة ديالنا

طريقة تحضير عجينة الكيش واقتراح حشوة جد لذيذة

ونكوبو عليها خليط البيض و الحليب

طريقة تحضير عجينة الكيش واقتراح حشوة جد لذيذة

طريقة تحضير عجينة الكيش واقتراح حشوة جد لذيذة

وندخلوها لفران يكون سخون مزيان وملي يقرب
يطيب نديرو فوق كل وحدة شوية الفرماج محكوك

طريقة تحضير عجينة الكيش واقتراح حشوة جد لذيذة

طريقة تحضير عجينة الكيش واقتراح حشوة جد لذيذة

ونقدموها بالصحة و الراحة

Favoriteأضيفي الوصفة لقائمة وصفاتك المفضّلة

5 8
أطباق السمك أنواع العجين كريب بيتزا والمعجنات منوعات جاراتي وصفات سريعة وصفات سهلة

8 تعليقات

ترك تعليق