بطبوط معمر بالبطاطا مسلوقة

بطبوط معمر بالبطاطا مسلوقة لذيذ بالطريقة و الصور 6

السلام عليكم جارتي اشنو رايكم
نجربو بطبوط معمر بالبطاطا مسلوقة
توجديه فاللمجة و العشا ايضا
خفيف و شهي جدا

بطبوط معمر بالبطاطا مسلوقة

 نبداو بسم الله 

مقادير بطبوط معمر بالبطاطا مسلوقة :

مقادير حشوة بطبوط معمر :

750g بطاطس
6 قطع من الفرماج المثلث
3 بصلات مشلضات
2  ثوم
معدنوس مقطع
الثوم المجفف
بدرة البصل المجفف
كامون
تحميرة
إبزار
هريسة
ملح
زيت الزيتون


مقادير عجينة بطبوط معمر  :

200gدقيق سبيسيال
200g دقيق حرش
200g فورص
30g بودرة الحليب
20g خميرة المعجونة
1 معلقة صغيرة سكر
قليل من الملح
2 كيسان كبار ماء دافئ

طريقة تحضير بطبوط معمر بالبطاطا مسلوقة :

نبداو بالعجينة نخلطو الدقيق و بودرة
الحليب و خميرة العجينة و الملح ونعجنوها
بالما دافي

ونديروها كويرات

وندهنوهم
بالزيت ونخليوها ترتاح
وناخدو مقلة نشحرو فيها البصلة فزيت الزيتون
و الملح

وملي دبالت نزيدو الهريسة و الكامون و التحميرة  الثومة
محكوكة و الإبزار و االثومة والبصل المجفف نخلط الكل جيدا
ونزيدو المعدنوس نخلطو كلشي مزيان ثم نضيف البطاطس
مسلوقة و ممعوسة وهيا سخونة و نشحر الكل مع بعض
ونخلطو الكل وعاد نزيدو الفرماج

ونخلطو وهيا كطيب وحنا كنحركو

وملي يطيب نحيدوه من فوق البوطة
ملي توجد العجينة نكرصوها
نديرو شوية الحشوة الوسط

ونجمعو عليها العجينة ونقرصوها بالدقيق حرش

ونغطيوه ونخليوه يخمار ونطيبوها
وندهنو المقلة بالزبدة مرة مرة

وهاهيا بالصحة و الراحة بطبوط معمر بالبطاطا مسلوقة 

6 Comments

  1. 3jbni bzaf had lbtbout ana mtakda ano ldid okanwa3dk ghanjrbo on3tih lmama l3ziza do9o

  2. lah y3tik sa7a

  3. تبارك الله عليك والله يجازيك بالخير على الوصفة

  4. ما شاء الله

  5. الله يعطيك اللصحه

  6. تبارك الله عليك أسهل بطبوط ههه. أكيد غنجربو إن شااله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *